विराटनगर । मोरङको विराटनगर र जहदाबाट ७ सय ८५ किलो गाँजा बरामद गरेको प्रहरीले एक जनालाई पक्राउ गरेको छ ।
शनिबार विराटनगर- ५ पुलचोक स्थित भित्री सडक खण्डमा बा. ८ च ६५०८ नम्बरको स्कर्पियो गाडी अनियन्त्रित हुनासाथ सिआरभी बरगाछी, वडा प्रहरी कार्यालय विराटनगर र जिल्ला प्रहरी कार्यालय मोरङको प्रहरी टोलीले गाँजा बरामद गरेको थियो ।
चालक फरार भएको अवस्थामा अनियन्त्रित भई बाटो छेउको खाल्डोमा छिरेको उक्त गाडी भित्रबाट ४ सय १० किलोग्राम गाँजा बरामद भएको थियो ।
त्यस्तै, जहदा गाउँपालिका- १ का चन्दन कुमार साहले गाँजा लुकाई छिपाई राखेको भन्ने विशेष सुचनाको आधारमा इलाका प्रहरी कार्यालय रानीले सशस्त्र प्रहरीसँगको सहकार्यमा उक्त स्थानमा खानतलासी गर्दा निज साहले घर छेउमा खाडलभित्र प्लाष्टिकमा ९ पोकामा लुकाई छिपाई राखेको २ सय ७५ किलो ८०० ग्राम गाँजा फेला पारी बरामद गरेको हो ।
बरामद भएको गाँजा र पक्राउ परेका व्यक्तिको सम्बन्धमा थप अनुसन्धान भइरहेको छ ।
