विराटनगरमा हनी ट्रयापको बिगबिगी : एक जनाबाटै ठगिए २५ बढी पुरुष

शब्द एक्स्प्रेस संवाददाता
आईतबार ४ चैत, २०८०
२ महिनाअघि

विराटनगर । विराटनगरमा सामाजिक सञ्जालमा नक्कली आइडी बनाएर पुरुषसँग मित्रता गाँस्दै ‘हनी ट्रयाप’ मा पारेर रकम असुली गर्ने धन्दा मौलाएको छ ।

सामाजिक सञ्जालमा युवतीको नाममा नक्कली आईडी बनाएर पुरुषसँग चिनजान गरी हनी ट्रयापमा पार्ने नयाँ शैलीको अपराध विराटनगरमा बढेको हो ।

सामाजिक सञ्जालमा चिनजान गरेर विभिन्न होटल तथा रेष्टुरेन्टमा भेटन बोलाउने र झुठो मुद्दा लगाएर फसाईदिने भन्दै डर, धम्की र त्रासको आधारमा रकम असुल्ने अपराध बढेको पीडितहरुले बताएका छन् ।

सुन्दरीलाई जीवनसाथी बनाउने सपनामा पछिल्लो ६ महिनामा मात्रै विराटनगरका २५ भन्दा बढी विवाहित तथा अविवाहित पुरुषहरु हनी ट्रयापको शिकार भएका छन् ।

उनीहरु सबैलाई सामाजिक सञ्जाल फेसबुकमा ‘निशा लिम्बु’ को नाममा रहेको एकाउण्टबाट हनी ट्रयापमा पारी ब्ल्याकमेल गरिएको बताईएको छ ।

सामाजिक सञ्जालमा सक्रिय रहेकी एक युवतीको तस्बिर प्रयोग गरेर एक पुरुषले यस्तो जाल रचेका हुन् ।

आफूलाई रोशन लिम्बु बताउने ती पुरुष पोखरातिर बस्छन् । विराटनगरसहित पूर्वका पुरुषलाई म्यासेज पठाएर उनले पीडितहरूसँग रकम असुलेका छन् ।

‘एकदिन फेसबुकमा फ्रेन्ड रिक्वेस्ट आयो । कुराकानी भयो, चिनजान भयो । अनि ती युवतीले व्हाट्सएपमा कुुरा गरौं भनेर आफ्नो नम्बर दिईन् । व्हाट्सएपमा कुरा गर्दै गएपछि एकदिन उताबाट प्रपोजल आयो । म सँग प्रेममा परेको बताईन् । मैले स्वीकार गरे । केहीदिनपछि आमा बिरामी भएर नोबेल हस्पिटलमा राखेको भन्दै ३ हजार रुपैयाँ पैसा मागिन । मैले दिएपनि,’ विराटनगरका राजन चौधरी (नाम परिवर्तन) ले भने, ‘दुईदिनमा मैले ती युवतीलाई १० हजारभन्दा बढी पैसा दिईसके । तर, पैसा पाएपछि ब्लक भए ।’

सामाजिक सञ्जालमार्फत् चिनजान गरी माया प्रेमको सम्बन्ध स्थापना गर्ने र आफन्त तथा साथीभाई बिरामीको भएको बहानामा लाखौं रुपैयाँसम्म रकम असुल्ने अपराधको शिकार विराटनगरका मात्रै नभई इटहरीसम्मका पूरुषहरु भएका छन् ।

शब्द एक्स्प्रेससँग सम्पर्कमा आएका सञ्जय अधिकारी (नाम परिवर्तन) ले भने, ‘सामाजिक सञ्जालमा जोडिएपछि युवतीले कसैसँग फोन अथवा भिडियो कलमा कुरा गर्दिनन् । म्यासेजमा मात्रै कुरा हुन्छ । भ्वाइस रेकर्डकोे रिप्लाई पनि म्यासेजमै आउँछ ।’

पीडितहरुले सामाजिक सञ्जाल फेसबुकमा रहेको निशा लिम्बु नामको उक्त आईडी पनि नक्कली भएको आशङ्का गरेका छन् । इटहरीका सरोज श्रेष्ठ (नाम परिवर्तन) ले भने, ‘फोनमा समेत कुरा गर्न नमान्नेलाई कसरी पत्याउनु ? केटा मान्छेले नै अरुको आइडी दुरुपयोग गरेको हो भन्ने आशङ्का छ ।’

पीडितहरुका अनुसार युवतीले मायाजालमा पारेर विभिन्न बहानामा किस्ताबन्दी शैलीमा पैसा माग गर्ने गरेकी छन् । पहिलोपटक ८००, दोश्रोपटक ५००, तेश्रोपटक १५०० र चौथोपटक २ हजार गर्दै भावनात्मक रुपमा बाँधेर लाखौं रुपैयाँसम्म रकम ठगी गर्ने गरेको उनीहरुले बताएका छन् ।

सम्बन्धित बिषयमा बोल्दै जिल्ला प्रहरी कार्यालय मोरङले अहिलेसम्म लिखित जाहेरी नआएका कारण कारबाहीको प्रक्रिया अघि बढाउन नसकिएको जनाएको छ । मोरङ प्रहरीका प्रवक्ता डिएसपी रञ्जन दाहालले पीडितले जाहेरी दिएलगत्तै घटनाको अनुसन्धान थालिने बताए । उनले भने, ‘घटनाबारे हामीलाई सामान्य सुचना आएको छ । तर, पहिचान खुल्ने डरले अहिलेसम्म कसैले जाहेरी दिनुभएको छैन् । प्रहरीमा निवेदन प्राप्त हुनासाथ अनुसन्धान सुरु हुन्छ ।’

मुलुकी अपराध संहिता २०७४ को दफा २५३ ले कसैबाट डर, धम्की तथा त्रासको आधारमा वा बेईमानीपूर्ण ढङ्गबाट कुनै प्रकारको लाभ उठाएमा वा त्यस्तो लाभ उठाउने नियतले गराएको कुनैपनि कार्यलाई अपराधको रुपमा व्याख्या गरेको छ ।

उक्त दफाको उपदफा (क) ले आपराधिक लाभ लिने नियतले कसैको ज्यान लिने, अङ्गभङ्ग गर्ने वा गम्भीर चोट पुर्‍याउने डर तथा त्रास देखाएमा ७ वर्षसम्म कैद र ७० हजार रुपैयाँसम्म जरिवाना हुने व्यवस्था गरेको छ । उपदफा (ख) मा भने कसैको व्यवसायमा गैह्रकानुनी तरिकाले कुनै क्षति पुर्‍याउने वा चरित्रमा झुटो दोष लगाउने नियतले डर–त्रास देखाई कुनैपनि प्रकारले आपराधिक लाभ लिएमा ३ वर्षसम्म कैद र ३० हजार रुपैयाँसम्म जरिवानाको व्यवस्था गरेको छ ।

यसअघि थम्बमा प्रयोग गरिएको फोटो सम्बन्धित युवतीले हटाउन आग्रह गरेपछि हटाइएको छ । पीडकले ती युवतीको तस्बिर प्रयोग गरी रकम माग्दै आएका थिए । (सम्पादक) 

प्रकाशित समय: आईतबार ४ चैत, २०८०, १९:०१:२८

सम्बन्धित खबर

कलाकार दम्पती जीवन–लक्ष्मीलाई पुत्र लाभ

शुक्रबार ११ जेठ, २०८१
२२ घण्टाअघि

ग्रामथानमा सामुदायिक भवन निर्माणको विवाद : निर्देशन विपरीत शिलान्यास

मङ्गलबार ८ जेठ, २०८१
४ दिनअघि

ठग्न पल्किएकी अञ्जली, जो बालबालिकालाई फकाएर अश्लील क्रियाकलापमा संलग्न गराउँथिन्

मङ्गलबार १ जेठ, २०८१
२ हप्ताअघि

सामाजिक सञ्चालमा चर्चित भेलुबाजेको निधन

बिहिबार २० ब‌ैशाख, २०८१
३ हप्ताअघि

शिक्षादीपमा जलवायु सम्मेलन : जलवायु र वातावरण प्रदूषणका मुद्दामा विद्यार्थीको चासो

शुक्रबार १४ ब‌ैशाख, २०८१
४ हप्ताअघि

‘फेक’ भिडिओ भयो भाइरल, चितवनमै छन् कतारलाई दिने भनिएका खगेन्द्रप्रसाद र रुद्रकली

बिहिबार १३ ब‌ैशाख, २०८१
१ महिनाअघि
विराटनगरका मनिष राष्ट्रिय टोलीको गोलकिपर प्रशिक्षकमा नियुक्त
शुक्रबार ११ जेठ, २०८१
सुन्दरहरैंचामा सडक विस्तारको काम सुरु, ओलीले गरे शिलान्यास
शुक्रबार ११ जेठ, २०८१
कैलाश सिरोहियालाई थप तीन दिन हिरासतमा राख्न अनुमति
शुक्रबार ११ जेठ, २०८१
त्रिशक्ति कन्स्ट्रक्सनकाे गाडी दुर्घटना : एक जनाको मृत्यु, एक घाइते
शुक्रबार ११ जेठ, २०८१
कलाकार दम्पती जीवन–लक्ष्मीलाई पुत्र लाभ
शुक्रबार ११ जेठ, २०८१
पशुपतिको भेटी चोरी प्रकरण : एक कर्मचारीको घरबाट ६ लाख रुपैयाँ बरामद
शुक्रबार ११ जेठ, २०८१
लेटाङमा ट्र्याक्टर पल्टियो, दुई जना गम्भीर घाइते
शुक्रबार ११ जेठ, २०८१
माई खोलामा पौडी खेल्न गएका दुई बालकको मृत्यु
शुक्रबार ११ जेठ, २०८१
रतुवामाईमा एमाले छोडेर ३८ जना माओवादीमा प्रवेश
बिहिबार १० जेठ, २०८१
बुद्ध जयन्तीको अवसर पारेर किड्स भिलेजमा स्वास्थ्य शिविर
बिहिबार १० जेठ, २०८१
अस्पताल बसेरै बित्यो डाक्टरको कारागारको समय !
शुक्रबार ५ माघ, २०८०
विराटनगरमा हनी ट्रयापको बिगबिगी : एक जनाबाटै ठगिए २५ बढी पुरुष
आईतबार ४ चैत, २०८०
‘बुढेशकाल’ मा जन्मिएका जुम्ल्याहा सन्तान अस्ताए, आफू पनि ६ घण्टा मार्वल स्टोनले थिचिए
शुक्रबार ११ फाल्गुण, २०८०
रोकिराखेको सिटी सफारीमा ठोक्किँदा मोटरसाइकल चालकको मृत्यु, पक्राउ परे सिटी चालक
बुधबार २८ चैत, २०८०
सुन्दरहरैंचाबाट पाँच लाख रुपैयाँसहित समातिइन् लागुऔषध कारोबारी सुनिता राई
बिहिबार १ चैत, २०८०
कानेपोखरी : अनुमतिबिना ढोका खोलेको भन्दै अध्यक्षले गरिन् कार्यालय सहयोगीलाई निलम्बन
बुधबार १७ माघ, २०८०
मोटरसाइकल दुर्घटनामा कर्मचारीको मृत्यु, विराटनगरमा बिहीबार बिदा
बुधबार २४ माघ, २०८०
स्वास्थ्य मन्त्रालयले माग्यो करारमा कर्मचारी
बुधबार २४ माघ, २०८०
चार सय करोडको लगानीमा विराट क्यान्सर इन्स्टिच्युट सञ्चालनमा
आईतबार २१ माघ, २०८०
बुबाको मृत्युपछि आमाको गर्जो धान्दै थिइन् सम्झना, सडक दुर्घटनामा गयो उनकै ज्यान
बिहिबार १७ फाल्गुण, २०८०