विराटनगर । माध्यमिक शिक्षा परीक्षा (एसईई) को नतिजामा विराटनगरको पोखरिया माध्यमिक विद्यालय देशकै सर्वोत्कृष्ट विद्यालय बनेको छ ।
आर्थिक वर्ष २०८०/८१ मा सञ्चालित एसइई परीक्षाको नतिजामा पोखरिया माविका विद्यार्थी देशभरकै उत्कृष्ट बनेका हुन् ।
आइतबार सार्वजनिक आर्थिक सर्वेक्षण-प्रतिवेदनअनुसार पोखरिया माविबाट एसईईमा सहभागी ३६० जना विद्यार्थीमध्ये ७४.४४ प्रतिशतले औसत स्तरीकृत अङ्क (जिपिए) ३.२ वा सोभन्दा माथि प्राप्त गरेका छन् ।
यस्तो नतिजा कायम गरेपछि पोखरिया मावि देशभरकै सर्वोत्कृष्ट विद्यालय घोषित भएको हो ।
सरकारी विद्यालयमध्येबाट उत्कृष्ट नतिजा दिने विद्यालयको सूचीमा कोशी प्रदेशकै खोटाङको सरस्वती माध्यमिक विद्यालय दिक्तेल पनि चौथो स्थानमा परेको छ ।
सरस्वतीबाट १७५ विद्यार्थी सहभागी भएकोमा ६१.१४ प्रतिशतले जिपिए ३.२ भन्दा माथिको नतिजा हासिल गरेका छन् ।
कोशी प्रदेशकै विराटनगरस्थित आदर्श माविसमेत उत्कृष्ट नतिजाका लागि १२ औं स्थानमा परेको छ ।
आदर्श माविबाट ३७५ विद्यार्थी सहभागी हुँदा ३९.४६ प्रतिशतले जिपिए ३.२ भन्दा बढी प्राप्त गरेका छन् ।
