नेपालका चर्चित गायक राजु लामाले आफू सगरमाथा चढ्ने तयारीमा रहेकाे बताएका छन् ।
भ्वाइस् अफ किड्सको ग्रान्ड प्रिमियरमा उनले सगरमाथा चढ्नेबारे सार्वजनिक गरेका हुन् । नेपालको गायन र साङ्गेतिक क्षेत्रकाे प्रतिनिधित्व गर्दै आफू सगरमाथाको शिखरमा पुग्ने उनले बताएका छन् ।
कार्यक्रममा उनले आफू सगरमाथा चढ्नुकाे मुख्य कारण समेत खुलाएका छन् ।
‘ग्लोबल वार्मिङले हाम्रो विश्व, विशेषगरी हिमाली क्षेत्रलाई पारिरहेको प्रभावबारे विश्व समुदायमा आफ्नो तर्फबाट जानकारी गराउन सगरमाथा चढ्ने तयारीमा छु’ गायक लामाले भने, ‘आफ्नै आँखाले हिमालमा भइरहेकाे असर हेर्न चाहन्छु र त्यसपछि फर्किएर आएर मैले देखेको कुरा सबैलाई सुनाउन चाहन्छु ।’
आफ्नो यात्रामा सबैको साथ, सहयोग र विश्वास रहनेमा आफू विश्वस्त रहेकाे गायक लामाले बताएका छन् ।
