विराटनगर । सर्वोच्च अदालतका न्यायाधीश रणबहादुर बमको हत्यामा दोषी ठहर भएका प्रतिवादी बाबु थापालाई प्रहरीले पक्राउ गरेको छ ।
इलाका प्रहरी कार्यालय हरिवन र इलाका प्रहरी कार्यालय कर्मैयाबाट खटिएको टोलीले उनलाई सर्लाही स्थित घरबाटै पक्राउ गरेको हो ।
गत भदौ २४ मा जेनजी आन्दोलन हुँदा उनी केन्द्रीय कारागार सुन्धाराबाट भागेका थिए ।
सर्लाहीको बागमती नगरपालिका–१ घर भएका ४८ वर्षीय उनको साथबाट प्रहरीले दुईथान पेस्तोल बरामद गरेको छ ।
न्यायाधीश बमको हत्या गरेको कसुरमा अदालतले उनलाई जन्मकैद ठहर गरेको थियो । २०६९ जेठ १८ मा बमको हत्या भएको थियो ।
प्रतिवादी थापा यसअघि २०७१ मा पक्राउ परेका थिए ।
