नेपाली बजारमा सुनचाँदीको मूल्यमा गिरावट आएको छ। नेपाल सुनचाँदी व्यवसायी महासंघका अनुसार सोमबार सुनको मूल्य प्रतितोला एक हजार १०० रुपैयाँले घटेको हो।
सोमबारका लागि सुनको मूल्य प्रतितोला दुई लाख ६९ हजार १०० रुपैयाँ निर्धारण गरिएको छ। यसअघि आइतबार सुन प्रतितोला दुई लाख ७० हजार २०० रुपैयाँमा कारोबार भएको थियो।
सुनसँगै चाँदीको मूल्यमा पनि कमी आएको छ। आइतबार प्रतितोला तीन हजार ६०० रुपैयाँ रहेको चाँदी सोमबार ८० रुपैयाँले घटेर तीन हजार ५२० रुपैयाँ कायम भएको महासंघले जनाएको छ।
पछिल्लो मूल्य घटेसँगै बजारमा सुन र चाँदी दुवैको कारोबार अघिल्लो दिनको तुलनामा सस्तो भएको छ।