विराटनगर । नेपाली चिया उद्योग गम्भीर संकटमा परेको भन्दै चिया उद्योगीहरूले भोलिदेखि अनिश्चितकालका लागि चिया उद्योग तथा बगान बन्द गर्ने बताएका छन् ।
नेपाल चिया उत्पादक संघ झापाले आज भद्रपुरमा पत्रकार सम्मेलनको आयोजना गरी भोलिदेखि चिया उद्योग र चिया बगान बन्द गर्ने निर्णय गरेको हो ।
भारतीय चिया बोर्डले लागू गरेको नयाँ नियम स्ट्यान्डर्ड अपरेटिङ प्रोसेजरका कारण नेपाली चिया भारततर्फ निर्यात हुन नसकेपछि चिया उद्योगीले उक्त कदम चालेका हुन् ।
नेपालमा उत्पादित सिटिसी तथा अर्थोडक्स चियाको वार्षिक कारोबार करिब १२ देखि १४ अर्ब रहेको र त्यसमध्ये करिब पाँच अर्ब बराबरको चिया भारत निर्यात हुने गरेको छ।
