विराटनगर। चुनौती र उतारचढावबीच आफ्नो सेवा र व्यवसायलाई निरन्तरता दिँदै आएको नेपालिरिका होटल पब्लिक लिमिटेडले स्थापनाको छैटौँ वार्षिकोत्सवको अवसरमा आश्विन महिनाभर विशेष उत्सव आयोजना गर्ने भएको छ।
जेन्जी आन्दोलनका क्रममा क्षति व्यहोरेको होटलले त्यसपछि पनि ग्राहक, व्यवसायी, पत्रकार, शिक्षक तथा आमसर्वसाधारणको साथ र विश्वासका आधारमा पुनः सेवा सञ्चालन गर्दै आएको जनाएको छ। यही यात्रालाई सम्झँदै होटलले छैटौँ वार्षिकोत्सवलाई विशेष बनाउने तयारी गरेको हो।
होटलले दमक–६, भृकुटी चोक र सुन्दरहरैँचा–९, विराटचोकस्थित आफ्ना दुवै परिसरमा वार्षिकोत्सव विशेष कार्यक्रम सञ्चालन गर्ने जनाएको छ। आश्विनभर ग्राहकका लागि विशेष आवास प्याकेज, खानाका परिकार, कम्बो प्लाटर्स तथा पेय पदार्थका आकर्षक प्याकेज उपलब्ध गराइनेछ।
त्यस्तै, होटल परिसरमा विशेष बार्बेक्यु तथा विभिन्न परिकारका लाइभ फुड स्टेसन सञ्चालन गर्ने तयारी गरिएको छ। परिवार, साथीभाइ, सहकर्मी तथा आफन्तसँग भेटघाट र मनोरञ्जन गर्न चाहने ग्राहकलाई लक्षित गरी विशेष खानपान तथा आतिथ्य सेवाको व्यवस्था गरिने होटल व्यवस्थापनले जनाएको छ।
होटलका अनुसार छैटौँ वार्षिकोत्सव स्थापनाको छ वर्ष पूरा भएको अवसर मात्र नभई ग्राहक, शुभेच्छुक, कर्मचारी, व्यवसायी तथा व्यावसायिक साझेदारसँगको छ वर्षे सम्बन्ध, विश्वास र सहकार्यको उत्सव हो।
जेन्जी आन्दोलनका क्रममा होटलमा क्षति पुगेपछि व्यवसाय पुनः लयमा फर्काउन चुनौती भए पनि विभिन्न क्षेत्रबाट प्राप्त साथ र सहयोगले अघि बढ्न हौसला मिलेको होटल व्यवस्थापनको भनाइ छ।
होटलले कठिन परिस्थितिमा साथ दिने सम्पूर्ण व्यवसायी, पत्रकार, शिक्षक, ग्राहक तथा आमसर्वसाधारणप्रति आभार व्यक्त गरेको छ। व्यवस्थापनले आगामी दिनमा पनि ग्राहकलाई गुणस्तरीय सेवा, स्वाद र आत्मीय आतिथ्य प्रदान गर्ने प्रतिबद्धता जनाएको छ।
“छ वर्षको विश्वास र साथका लागि हार्दिक आभार। यस आश्विनमा विशेष स्वाद, विशेष सेवा र विशेष सम्झनासहित हामीसँगै उत्सव मनाउनुहोस्,” होटल व्यवस्थापनले आग्रह गरेको छ।
वार्षिकोत्सवका अवसरमा सञ्चालन हुने विशेष प्याकेज तथा कार्यक्रमले आश्विन महिनाभर ग्राहकलाई फरक अनुभव दिने होटलको अपेक्षा छ।
छ वर्षको विश्वास, आत्मीयता र आतिथ्यको यात्रालाई उत्सवका रूपमा मनाउँदै नेपालिरिका होटलले यसपटकको आश्विनलाई विशेष बनाउने तयारी गरेको छ।
