काठमाडौं । नेपाली बजारमा आइतबार सुनको मूल्य तोलामा ३ हजार १ सय रुपैयाँले घटेको छ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला ३ लाख ४ हजार ३ सय रुपैयाँ कायम भएको छ। यसअघि शुक्रबार सुन प्रतितोला ३ लाख ७ हजार ४ सय रुपैयाँमा कारोबार भएको थियो।
त्यस्तै, चाँदीको मूल्य पनि आज प्रतितोला ४० रुपैयाँले घटेको छ। महासंघले आजका लागि चाँदीको मूल्य प्रतितोला ४ हजार ७ सय २५ रुपैयाँ निर्धारण गरेको छ। अघिल्लो दिन चाँदी प्रतितोला ४ हजार ७ सय ६५ रुपैयाँमा कारोबार भएको थियो।
