विसं २०६४ जेठ ११ गते मन्त्रिपरिषद् बैठकले गोकर्णस्थित जगडोल सामुदायिक वन क्षेत्रमा राष्ट्रिय सहिद तथा शान्ति स्मारक र निजामती पार्क निर्माण गर्ने निर्णय गरेको थियो। मन्त्रिपरिषद्को उक्त निर्णय भएको करिब २० वर्षपछि पार्कमा प्रथम मुख्यसचिव थापाको सालिक अनावरण गरिएको हो।
सहिद स्मारकका अधिकांश काम सुरु भए पनि अझै सम्पन्न हुन सकेका छैनन्। पार्क क्षेत्रमा निर्माण थालिएका धेरै संरचना अलपत्र अवस्थामा रहेका छन्।
सालिक अनावरण कार्यक्रममा सुमनराज अर्यालले निजामती पार्कलाई निजामती कर्मचारीहरूको अध्ययन केन्द्रका रूपमा विकास गरिने बताए। उनले पार्कलाई निजामती सेवाको धरोहरका रूपमा विकास गर्दै नयाँ मुख्यसचिव नियुक्त भएपछि यहाँ आएर शपथ ग्रहण गर्ने तथा माल्यार्पण गर्ने स्थलका रूपमा स्थापित गरिने जानकारी दिए।
