मिठो सपना देखेको थिएँ
हो, यहीँबाट जाग्छ मायाको बिउ
जल मल सबै गर्ने जमर्को
चट्याङ, असिना-पानी, हावाहुरी
तर्सायो, उडायो, बगायो,
चोट पनि पुर्यायो
मिठो सपना खै कता हरायो ?
ठुस्स, फुस्स गर्दै, हाँस्दै रमाउँदै
माटो मलिलो हुँदै थियो
चार कोशे झाडी, नहर र कुलो
बिउ फेरि सप्रिँदै थियो
सिप हो कि भावनाको न्यूनता
फक्रिन लागेको फूल फेरि झरेरै गयो ।
सुमधुर काठे भाकामा फक्रेको असारे
भ्यागुतोको जस्तो क्वेक क्वेक
उफ्रिँदै, उच्छिन्दै, नाचेको असारे
बाली भित्र्याउने सपना आउँदो मंसिरमा
विषको भारी वर्षा, चुर्लुम्मै डुब्यो
खालास् मिठो अब हिउँदमा ?? ।।
-२०८२ बैशाख १७
