नेपाली लोकब्यान्ड नेपथ्यले शनिबारबाट क्यानडाका तीनवटा सहरमा श्रृंखलाबद्ध प्रस्तुति दिने भएको छ । अमृत गुरुङ नेतृत्वको टोलीले क्यानडाका सदबरी, टोरन्टो र लन्डनमा आगामी अप्रिल १० देखि १८ सम्म प्रस्तुति दिने छ ।
नयाँ वर्षको बेला स्वदेशको सम्झना र थुप्रै माया बोकेर मञ्चमा उभिने भन्दै आइतबार नेपथ्यको टोली क्यानडा प्रस्थान गरेको छ । क्यानाडाका तीनवटै कन्सर्टमा अमृतलाई ड्रमसेटमा ध्रुव लामा, बेस गितारमा सुबिन शाक्य, गितारमा नीरज गुरुङ, मादलमा शान्ति रायमाझी र किबोर्डमा दिनेशराज रेग्मीले सघाउनेछन् ।
