केही देखिरहेछु
केही सुनिरहेछु
भोक लाग्छ, खाइरहेछु
निद लाग्छ, सुतिरहेको छु
समाचारहरूले केही लेखेको छैन
अझसम्म
सायद म ज्यूँदै छु
ऊ कारागारमा छ
उसलाई सम्झँदा म स्वतन्त्र छु
ऊ एक्लै छ
उसलाई सम्झँदा सगोलमा छु
सम्झनाहरू छन्
सम्झिरहन्छ मन
सम्झन्छु
मसँ अझै
प्रेम छ, चेतना छ
जिन्दगी किनारा लागेझैँ लाग्छ
ऊ बगेको देख्छु
लाग्छ अझै ठिक ठाउँमा छु
आफैं शून्य लाग्छ
खै ! त्यसै त्यसै
ऊ चितामा जलेको देख्छु
सम्झन्छु, अझै ज्यूँदै छु
म अझै हिँड्न सक्छु
म अझै उभिन सक्छु
म अझै गर्न सक्छु
हो म ज्यूँदै छु ।
