जसरी
अन्धकारलाई चिर्दै
सुनौलो बिहानीले
सबैलाई निष्पक्ष
अङ्कमाल गर्छ
आलिङ्गनमा लिन्छ
त्यसैगरी
यो मनमा भएको
रिसराग
लोभमोह त्यागेर
यिनै प्रकृतिका
अनुपम छटाभित्र
स्वयंलाई
समाहित गर्न मन छ
बुद्ध जन्मिएको देशमा
अशान्तिले कब्जा गरेर
हत्या
हिंसा
झुट
असत्यले
स्वामित्व जमाएको समयमा
म यस्तो पथ हिँड्न सकूँ
जहाँ समता हो
अहिंसा होस्
सबैको मनमा रहेको
क्लेस हटाएर
शान्ति स्थापना गर्दै
जुन् देशको
नाममा मात्र पनि
शान्ति छ
गर्वसाथ भन्न सकौँ
म बुद्धको देशमा
जन्मिएकी आम नागरिक हुँ
र यहाँ केवल मैत्रीभावले
सबैको हृदय
भएको छ कञ्चन
बस्
हिँड्न सकूँ म यो पथ !
-चन्द्रागिरी-८ काठमाडौं
