विराटनगर । मोरङको ग्रामथान गाउँपालिका अध्यक्षका लागि भएको उपनिर्वाचनमा १८ हजार ५७८ मत खसेको छ ।
आइतबार बिहान ७ बजेदेखि साँझ ५ बजेसम्म भएको मतदानमा १८ हजार ५७८ मतदाताले मत खसालेका हुन् ।
सहायक निर्वाचन अधिकृत रामराज पौडेलका अनुसार ७१.३ प्रतिशत मत खसेको हो । ग्रामथानमा जम्मा २६ हजार ४४ मतदाता रहेका छन् ।
पौडेलका अनुसार मतदानमा पुरुषभन्दा बढी महिला सहभागी भएका छन् । ९ हजार ६ सय ७७ जना महिला र आठ हजार ९ सय पुरुष मतदानमा सहभागी भएको जानकारी पौडेलले दिए ।
मतदाताको संख्या पनि पुरुषभन्दा महिलाको धेरै थियो । १३ हजार ४१ महिला र १३ हजार ३ पुरुष मतदाता रहेका थिए । मतदातामध्ये ७ हजार ४ सय ६७ जना मतदानमा सहभागी भएनन् ।
गाउँपालिकाका १२ मतदान स्थलमा २९ वटा मतदान केन्द्रमा मतदानको व्यवस्था गरिएको थियो । ती मतदान केन्द्रहरूमा शान्त र भयरहित वातावरणमा निर्वाचन सम्पन्न भएको पौडेलको भनाइ छ ।
कुन मतदान केन्द्रबाट कति खस्यो मत ?
