विराटनगर । नेपाल आयल निगमले इन्धनको मूल्य घटाएको छ । पेट्रोलमा प्रतिलिटर दुई र डिजेल तथा मट्टितेलमा प्रतिलिटर एक रुपैयाँ घटाइएको निगमले जनाएको छ ।
आन्तरिक हवाई इन्धनतर्फ प्रतिलिटर पाँच रुपैयाँ तथा अन्तर्राष्ट्रिय हवाई इन्धनतर्फ प्रति किलोमिटर ३७ डलर मूल्य घटाइएको निगमले जानकारी दिएको छ। खाना पकाउने एलपी ग्याँसको मूल्य भने यथावत् छ ।
घटेको मूल्य आज राति १२ बजेदेखि लागि हुने निगमले जनाएको छ । नयाँ मूल्य अनुसार अब काठमाडौँमा पेट्रोलको प्रति लिटर १६३ र डिजेल तथा मट्टितेलको प्रति लिटर १५४ रुपैयाँ पर्ने भएको छ ।
यस्तै, विराटनगरमा भने १६० रुपैयाँ ५० पैसा र डिजेल-मट्टीतेल १५१ रुपैयाँ ५० पैसामा कारोबार भइरहेको छ ।
