छड्के जाँचमा पुगेका प्रदेश मन्त्रीलाई ट्राफिक प्रहरीले धकेलेपछि…

शब्द एक्स्प्रेस संवाददाता
आईतबार २८ माघ, २०८०
१ हप्ताअघि

विराटनगर । कोशी प्रदेशका आन्तरिक मामिला तथा कानुन मन्त्री शमशेर राईले आइतबार अनौपचारिक पोसाकमा सेवाग्राही बनेर यातायात कार्यालयको ट्रायल सेन्टर अनुगमन गर्न पुगे ।

टाउकोमा क्याप, अनुहारमा कालो चश्मा र मुखमा कालै मास्क लगाएका थिए ।

सेन्टर पुगेर उनले केही सेवाग्राहीसँग कुराकानी गरे ।

सचिवालयका कर्मचारीहरूले पनि औचपारिक पोसाक लगाएका थिएनन् ।

मन्त्री राई पुग्दा टेम्पो र सिटिसफारीको ट्रायल भइरहेको थियो ।

उनी कर्मचारी भएको ठाउँमा पुगे । त्यहाँ ट्राफिक प्रहरीका सई पनि थिए ।

नचिनिँदो गरी त्यहाँको गतिविधि नियाल्न थाले ।

त्यही क्रममा यातायात कार्यालय इटहरीका निमित्त प्रमुख चन्द्रप्रसाद प्रसाईं मन्त्रीको नजिकै आए र ठुलो स्वरमा ‘तपाइँ को हो यहाँबाट गइहाल्नुहोस’ भन्दै कड्किए ।

मन्त्री राई केही पर सरे । फेरि चुपचाप लागिरहे ।

हाफ भेस्ट, हाफ ज्याकेट कालो चश्मा र मास्क लगाएर यातायातका कर्मचारी तथा ट्राफिक बस्ने छेउमै गएर उभिँदा उनलाई कसैले चिनेनन् ।

सचिवालयका कर्मचारीले सरकारी पोसाकमा थिएनन् ।

मन्त्रीका पिएसओ पनि सादा पोसाकमा थिए ।

मन्त्री झन्डावाला नलिएर अर्कै गाडीमा गएका थिए ।

केहीबेर उभिएपछि मन्त्री राईलाई ट्राफिक प्रहरीले हट्न भने ।

तर उनले अटेर गरेर बसेपछि प्रहरीले यहाँ बस्न पाइँदैन भनेर धकेलेर त्यहाँबाट हटाउन खोजेका थिए ।

त्यसपछि उनले मास्क खोले । कर्मचारीहरूले उनलाई चिनेर कुर्सीमा बस्न आग्रह गरे ।

‘सेवाग्राही भएर जाँदा मलाई त प्रहरीले ठेललाल गरे,’ उनले भने, ‘सोझासाझा सेवाग्राहीले सजिलै सेवा पाउँदैन भन्ने देखेर आएँ ।’

उनले थप अनुगमन गरेर नागरिकलाई सहज हुने वातावरण बनाउने बताए ।

ट्रायलमा फेल पास ठाउको ठाउँ गर्नुपर्ने व्यवस्था बने पनि कर्मचारीले उति नै बेला केही नगर्ने गरेको पाइएको बताए ।

‘ट्राफिकले फेल पास भन्दो रहेछ,’ उनले भने, ‘तर कर्मचारीले भर्ने फाममा भने खालि नै राख्दा रहेछन् । यसले पनि आर्थिक चलखेल हुन्छ भन्ने देखाएको छ ।’

यता, यातायात व्यवस्था कार्यालय इटहरीका निमित्त प्रमुख चन्द्र प्रसाद प्रसाईँले यातायात कार्यालयमा बिचौलिया प्रवेश गर्ने नदिएको बताए ।

भीड हुने गरेकाले फेल पासको उति नै बेला नलेखेको दाबी गरे ।

भने,’केही त्रुटि नहोस् भनेर पछि लेख्ने गरिएको छ । हतारमा चेक लिस्टमा नाम चढाउँदा बिग्रने डरले हुन्छ ।’

यातायातका निमत्त प्रमुख प्रसाईंले यातायात कार्यालयले सकेसम्म सेवाग्राहीलाई झन्झट नदिने प्रयास गर्दै आएको दाबी गर्दै भने, ‘फेसबुक पेज पनि बनाएका छौं । त्यसमा परीक्षा, ट्रायल आदि सबै विषयमा जानकारी राखिदिने गरेका छौं ।’

मोटरसाइकलको सेवाग्राही लाइनै जाँदा गल्ती हुनसक्ने भएकोले त्यो टेबुलबाट नउठी चेकलिस्ट नभर्ने गरिएको जिकिर गरे ।

केरमेट नहोस भनेर तत्कालै नगर्ने गरेको उनले दाबी गरे ।

इटहरी कार्यालय महिनामा पाँच पटक ट्रायल गराउने गर्दछ ।

त्यसमा हलुकादेखि ठूला सवारी साधनको पनि ट्रायल गराइन्छ ।

एक पटकमा डेढदेखि दुई सयसम्मले ट्रायल दिन्छन् ।

बायो मेट्रिक भएको चार दिनमा ट्रायल हुन्छ ।

एक दिन रिट्रायल गर्ने प्रबन्धसमेत गरिएको कार्यालयले जनाएको छ ।

प्रकाशित समय: आईतबार २८ माघ, २०८०, १८:३६:५४
नेपाल र सिरिया
सिरियामाथि नेपालको सहज जित
मङ्गलबार ८ फाल्गुण, २०८०
कप्तान सन्दीप र बसिरको अर्धशतकमा क्यानडाविरुद्ध नेपाल ‘ए’को रोमाञ्चक जित
मङ्गलबार ८ फाल्गुण, २०८०
मनकामना र नेपाल गुरुकुल स्कुल क्वार्टरफाइनलमा
मङ्गलबार ८ फाल्गुण, २०८०
‘डम्पिङ साइट’ हटाएर फुटसल, विराटनगरका शुभाशीषले गरे झन्डै डेढ करोड लगानी !
मङ्गलबार ८ फाल्गुण, २०८०
नेपालले भारतमा त्रिकोणात्मक सिरिज खेल्ने
मङ्गलबार ८ फाल्गुण, २०८०
केएल दुगड उद्योगले तौल घटाएर चामल र चिउरा बिक्री गर्दै
मङ्गलबार ८ फाल्गुण, २०८०
ग्रामथानमा खेलकुद : दौडमा सञ्जु र सुबिना प्रथम बन्दा, हाजिरी जवाफमा सरस्वती मावि पहिलो
सोमबार ७ फाल्गुण, २०८०
पर्यटकीय क्षेत्र सन्दकपुरमा रेडपाण्डा पार्क सञ्चालन गर्ने मन्त्री उप्रेतीको प्रतिबद्धता
सोमबार ७ फाल्गुण, २०८०
प्रेस स्वतन्त्रता सेनानीसहित क्रियाशील पत्रकारहरू सम्मानित 
सोमबार ७ फाल्गुण, २०८०
यस्तो बन्यो दयाहाङ र आँचल अभिनित ‘डिग्री माइला’को टिजर (भिडिओसहित)
सोमबार ७ फाल्गुण, २०८०
अस्पताल बसेरै बित्यो डाक्टरको कारागारको समय !
शुक्रबार ५ माघ, २०८०
कानेपोखरी : अनुमतिबिना ढोका खोलेको भन्दै अध्यक्षले गरिन् कार्यालय सहयोगीलाई निलम्बन
बुधबार १७ माघ, २०८०
मोटरसाइकल दुर्घटनामा कर्मचारीको मृत्यु, विराटनगरमा बिहीबार बिदा
बुधबार २४ माघ, २०८०
स्वास्थ्य मन्त्रालयले माग्यो करारमा कर्मचारी
बुधबार २४ माघ, २०८०
चार सय करोडको लगानीमा विराट क्यान्सर इन्स्टिच्युट सञ्चालनमा
आईतबार २१ माघ, २०८०
विराटनगरका दुई युवती, जो लागुऔषधसहित समातिए
मङ्गलबार १६ माघ, २०८०
इटहरीमा हात्तीले मोटरसाइकल लछारपछार पार्दा एक जना घाइते
बिहिबार १८ माघ, २०८०
भोजपुरका किसानले फलाए रङबिरङ काउली
आईतबार १४ माघ, २०८०
कानेपोखरीमा दुई भयानक दुर्घटना : एक जनाको मृत्यु, आमा-छोरा घाइते
आईतबार २१ माघ, २०८०
एक लाख धरौटीमा रिहा भए डा. तपेश्वरलाल कर्ण
बिहिबार ४ माघ, २०८०