माेफसलकाे चर्चित फुटबल प्रतियाेगिता झापा गाेल्डकपकाे पाँचाैँ संस्करणकाे उपाधि छिनाेफानाे आज हुँदैछ ।
विर्तामाेडस्थित डाेमालाल राजवंशी रङ्शालामा मध्यान्ह १२ बजे सुरु हुने फाइनल खेलमा ए डिभिजन क्लब त्रिभुवन आर्मी र आयाेजक झापा ११ आमनेसामने हुँदैछन् ।
फाइनलअघि हिजाे विर्तामाेडमा भएकाे प्रि–म्याच कन्फरेन्समा बाेल्दै दुवै टाेलीका प्रशिक्षकहरुले उपाधि आफूले जित्ने दाबी गरेका छन् ।
आयाेजक झापा–११ का प्रशिक्षक सन्ताेष गुरुङले आफ्नाे टाेली यसपटक उपविजेता नबन्ने तयारीमा रहेकाे स्पष्ट पारेका छन् । त्यसका लागि झापाले स्टार खेलाडी भित्र्याएकाे र उपाधि आफ्नाे टाेलीकाे पक्का भएकाे उनले दाबी गरे ।
‘हामी चारपटकसम्म उपविजेतामा चित्त बुझाएका टाेली हाैँ’ प्रि–म्याच कन्फरेन्समा बाेल्दै उनले बताए, ‘यसपटक जित निकाल्छाैँ र ट्रफी घरमै राख्छाैँ ।’
यस्तै, त्रिभुवन आर्मी फुटबल क्लबका प्रशिक्षक नविन न्याैपानेले भने झापाभन्दा आफ्नाे टाेली बढि नै सन्तुलित भएका कारण जित आफ्नाे हुने तर्क गरे ।
‘झापा क्लेक्टिभ टाेली हाे, अन्य खेलाडी ल्याइएर बनाइएकाे’ प्रशिक्षक न्याैपानेले भने, ‘हामीले लामाे समयदेखि खेल्दै आइरहेका छाैँ, दिन प्रतिदिन खेल सुधार भइरहेकाे त्यसैलै उपाधि हामीले जित्ने निश्चित छ ।’
सेमिफाइनलमा ए डिभिजन क्लब सातदाेबाटाे युथ क्लबलाई हराउँदै आर्मी फाइनल प्रवेश गरेकाे हाे भने झापाले सेमिफाइनलमा सङ्कटालाई पाखा लगाएकाे थियाे ।
आयाेजक झापा प्रतियाेगिताकाे हरेक संस्करणकाे फाइनल पुग्ने एक मात्र टाेली हाे । पाँचाैँ संस्करणसम्म आइपुग्दा चार पटक फाइनल पुगे पनि झापाले उपाधि जित्न सकेकाे छैन ।
यता झापाकाे भाेलिकाे प्रतिद्वन्द्वी आर्मी भने प्रतियाेगिताकाे सर्वाधिक सफल टाेली हाे । हालसम्म तीन पटक गाेल्डकपकाे फाइनल पुगेकाे आर्मीले तीनै पटक गाेल्डकपकाे उपाधि उचालि सकेकाे छ ।
यस संस्करणको झापा गोल्डकपको उपाधि विजेताले नगद १२ लाख ५५ हजार र उपविजेताले ६ लाख पाँच हजार रुपैयाँ नगद पाउनेछन् ।
त्यसबाहेक व्यक्तिगत विधातर्फ उत्कृष्ट गाेलरक्षक, डिफेन्डर, मिडफिल्डर र प्रशिक्षकलाई नगद २१ हजार रुपैयाँ दिइनेछ ।
प्रतियाेगिता आयोजक समिति अध्यक्ष विनोद बस्नेतका अनुसार प्रतियाेगिताका सर्वाधिक गाेलकर्तालाई नगद २५ हजार दिइनेछ भने प्रतियोगिताको सर्वोत्कृष्ट खेलाडीले एक थान मोटरसाइकल पाउने छन् ।
भाेलि हुने फाइनल खेल हेर्न नेपाली पुरुष राष्ट्रिय फुटबल टाेलीका मुख्य प्रशिक्षक अब्दुल्लाह अलमुताइरी समेत झापा आउने भएका छन् ।
अब्दुल्लाह आफैंले सामाजिक सञ्जालमा पाेस्ट गर्दै यसकाे पुष्टि गरिसकेका छन् ।
