इन्स्टाग्रामको भिडियोमा अटो जेनेरेटेड क्याप्सन राख्न सकिने भएकाे छ ।
अहिलेसम्म, प्रयोगकर्ताहरूले आफ्नो भिडियोमा आफै क्याप्सन लेख्नुपर्ने थियो ।
अबबाट भने भिडियोमा इन्स्टटग्रामले आफै क्याप्सन राखिदिने कम्पनीले जनएको हो ।
यसले बहिरा र सुन्न नसक्ने समुदायहरूमा भएका प्रयोगकर्ताहरूका लागि इन्स्टाग्राम थप पहुँचयोग्य बनाउनेछ ।
यो नयाँ फिचर आवाज बिना भिडियो हेर्न रुचाउने प्रयोगकर्ताहरूका लागि पनि उपयोगी हुनेछ ।
इन्स्टाग्रामको यो नयाँ फिचर अब अपलोड गरिने नयाँ भिडियोमा मात्र इनेबल गर्न सकिने छ ।
भिडियो अपलोड गर्नुभन्दा अघि यदि यो फिचर इनेबल गरेको छ भने मात्र क्याप्सन देख्न सकिनेछ ।
कम्पनीका अनुसार पुराना भिडियोको हकमा भने यो लागू हुने छैन ।
कम्पनीले अटो जेनेरेटेड क्याप्सन अङ्ग्रेजी, स्पेनिस, पोर्चुगिज, फ्रेन्च, अरबी, भियतनामी, इटालियन, जर्मन, टर्की, रुसी, थाई, तागालोग, उर्दू, मलाय, हिन्दी, इन्डोनेसियाली र जापानी लगायत १७ भाषाहरूमा सुरु हुने जनाएको छ ।
इन्स्टाग्रामले चाँडै थप भाषाहरू ल्याउने बताएकाे छ । तर कहिलेबाट भन्नेबारे निश्चित गरिसकेकाे छैन ।
यसरी इनेबल गर्नुहाेस् इन्स्टाग्राममा अटो-जेनेरेटेड क्याप्सन
– सुरुमा इन्स्टग्राम एप वा कम्प्युटरको ब्राउजरबाट इन्स्टाग्राम अकाउन्ट लग इन गर्ने
– त्यसपछि त्यहाँ देखिएको प्लस (+) आइकनमा दाबेपछि पोस्टमा क्लिक गर्ने
– सेयर गर्न चाहेको भिडियो सेलेक्ट गरि नेक्स्टमा क्लिक गर्ने
– त्यसपछि एडभान्स सेटिङ्गमा गइ एक्सेसिबिलिटी भित्र ‘सो क्याप्सन’ को टगललाई अन गर्ने
– अपलोड सेक्सनमा गइ भिडियो शेयर गरेपछि क्याप्सन सहितको भिडियो टाइमलाइनमा सेयर हुन्छ ।
