युरोपबाट मेटाले आफ्नो सामाजिक सञ्जाल फेसबुक र इन्स्टाग्राम बन्द गर्ने चेतावनी दिएको छ ।
मेटाले अमेरिकाको सेक्युरिटी एण्ड एक्सचेन्ज कमिसनमा बुझाएको रिपोर्टका अनुसार डेटा प्राेसेस (ट्रान्सफर) गर्न पाउनु पर्ने माग राख्दै नपाए बन्द गर्ने चेतावनी दिएकाे हाे ।
बुझाइएकाे रिपाेर्ट अनुसार प्रयोगकर्ताहरूको डेटा (ट्रान्सफर) गर्न अनुमति नदिएमा युरोपमा फेसबुक र इन्स्टाग्राम दुवै बन्द गर्ने सक्ने धम्की मेटाले दिएको छ ।
कम्पनीको विज्ञापन लक्षित व्यवसाय र आम्दानीका लागि डेटा ट्रान्सफर अनिवार्य रहेकाे मेटाले बुझाएकाे रिपाेर्टमा भनिएकाे छ ।
कम्पनीकाे ज्यादै महत्वपूर्ण पाटाेमा बन्देज गरिए युराेपबाट चर्चित एप फेसबुक र इन्स्टाग्राम बन्द गर्न आफू बाध्य हुनुपर्ने मेटाले बताएको छ ।
मेटाले चेतावनी दिइरहे पनि युराेपकाे कानूनका कारण उसलाई समस्या भएकाे छ ।
‘आफ्ना नागरिकको डेटा युरोपमा अवस्थित सर्भरहरूमा मात्र प्रोसेस गर्ने’ युरोपियन युनियनको कानुन रहेकाले समस्या झेल्न विवश मेटा चेतावनी दिन बाध्य बनेकाे हाे ।
