करिम बेन्जेमाको ह्याट्रिक गोलको मद्दतले स्पेनिस महारथी क्लब रियल मड्रिड युरोपको सबैभन्दा ठुलो क्लब फुटबल प्रतियोगिता च्याम्पियन्स लिगको अन्तिम आठमा प्रवेश गरेको छ ।
करिम बेन्जेमाको ह्याट्रिक गोलको सहायतमा पिएसजीविरुद्धको अन्तिम १६ को दोस्रो लेगमा उत्कृष्ट पुनरागमन गर्दै रियलले अन्तिम आठमा स्थान बनाएको हो ।
फ्रान्समा भएको पहिलो लेगको खेलमा रियल १-० गोलले पछि परेको थियो ।
लियोनल मेस्सीको पेनाल्टी मिस भए पनि किलियम एम्बाप्पेको गोलमा पिएसजीसँग हारेपछि निराश बनेर स्पेन फर्किएको रियलले दोस्रो लेगमा ३–१ गोलको जित निकाल्दै रियल अघिल्लो चरणमा स्थान बनाएको हो ।
गएराति सान्टियागो बर्नाबेउमा रियललाई जित दिलाउन बेन्जेमाले ह्याट्रिक गोल गरे भने पिएसजीका लागि एम्बाप्पेले गोल गरे ।
पिएसजीले बनाएको अग्रता उल्टाउँदै रियलले जित निकालेको हो । एम्बाप्पेले खेलको ३९औँ मिनेटमा गोल गर्दै पिएसजीलाई सुरुआती अग्रता दिलाएका थिए ।
उनको गोलमा पिएसजीले समग्रमा दुई गोलको अग्रता बनायो ।
तर दोस्रो हाफमा गोलकिपर जियान लुइजी डोनारुमाले गरेको गल्ती रियलको पुनरागमनको कडी बन्यो ।
इटालियन गोलकिपरको गल्तीको फाइदा उठाउँदै बेन्जेमाले रियलका लागि गोल फर्काए ।
खेलको ७६ औँ मिनेटमा लुका मोड्रिचले बेन्जेजमाका लागि दोस्रो गोलको अवसर सिर्जना गर्दै समग्रमा खेल बराबरी गरे ।
लगत्तै ३४ वर्षीय खेलाडीले अर्को गोल गर्दै रियलको जित सुनिश्चित गरे ।
योसँगै च्याम्पियन्स लिगमा तीन वटा ह्याट्रिक गर्ने बेन्जेमा पहिलो फ्रान्सेली खेलाडी बनेका छन् ।
डोनारुम्माको त्रुटि नभएसम्म पिएसजी पूर्ण नियन्त्रणमा थियो ।
मार्को भेराट्टी मिडफिल्डमा प्रभावशाली थिए भने नेयमार र लियोनेल मेस्सीले केही खतरनाक अवसर सिर्जना गरिरहेका थिए ।
रियलले धाराप्रवाह विपक्षीहरूलाई नियन्त्रण गर्न संघर्ष गरिररहेको थियो ।
यता, अघिल्लो लेगमा अग्रता बनाएको पिएसजी भने रियलसँग पराजित हुँदै बाहिरियो ।
यस पटक च्याम्पियन्स लिगको उपाधि जित्ने योजनाका साथ मेस्सी, सर्जियो रामोस, डाेनारुम्मालगायत स्टार अनुबन्ध गरेको पिएसजी प्रि- क्वार्टरफाइनलभन्दा अगाडि बढ्न सकेन ।
प्रशिक्षक माैरिसियो पोचेटिन्होले अग्रपंक्तिमा मेस्सी, नेयमार र एम्बाप्पेलाई उतारेका थिए ।
रियलका दुई पूर्वखेलाडीले खेल्न पाएनन् ।
रियलका पूर्वकप्तान रामाेस चोटका कारण बाहिर रहँदा थिबाउ कोर्टुआले टोलीमा स्थान बनाउन सकेनन् ।
यो पनि :
च्याम्पियन्स लिग : लिभरपुल र बायर्न क्वार्टरफाइनलमा, जितका बाबजुत इन्टर बाहिरियो
