युइएफए च्याम्पियन्स लिगमा इङ्ग्लिस क्लब लिभरपुल र जर्मनीको बार्यन म्युनिखले क्वार्टरफाइनलमा स्थान पक्का गरेका छन् ।
इन्टर मिलानलाई अन्तिम १६ दोस्रो लेगमा १-० को नतिजा सुम्पिए पनि लिभरपुलले अन्तिम आठमा स्थान बनाउन सफल भयो ।
गत महिना सम्पन्न पहिलो लेगमा लिभरपुलले मोहम्मद सलाह र रोबर्टको फिर्मिनोको गोलमा २-० को जित हात पारेको थियो ।
योर्गान क्लोपको टोली समग्रमा २-१ को जितसहित च्याम्पियन्स लिगको अन्तिम आठमा प्रवेश गरेको हो ।
यसअघि इन्टरको घरेलु मैदान सन सिरोमा सम्पन्न खेलमा लिभरपुलले मोहम्मद सलाह र रोबर्टो फर्मिन्होको गोलमा २-० को जित निकालेको थियो ।
गएराति एन्फिल्डमा सम्पन्न खेलमा भने १० खेलाडीमा समेटिएको इन्टर मिलासँग घरेलु टोली निरीह बन्यो ।
पहिलो हाफमा गोलरहित बराबरीमा रोकिएको खेलको ६१ औं मिनेटमा लौटरो मार्टिनेज इन्टरका लागि गोल गरेका थिए ।
६३ औं मिनेट एलेक्सिस साञ्चेज रेडकार्ड खाँदै बाहिरिँदा इन्टर १० खेलाडीमा समेटिएको थियो ।
इन्टर भने च्याम्पियन्स लिगको नकआउट चरणबाट बाहिरिएको यो तेस्रो पटक हो ।
इन्टर यसअघि सन् २०१०-११ मा क्वार्टरफाइनल र २०११-१२ मा अन्तिम १६ बाट बाहिरिएको थियो ।
यस्तै, गएरातिकै अर्को खेलमा अस्ट्रियाको रेडबुल साल्सबर्गमाथि फराकिलो जित दर्ता गर्दै जर्मन क्लब बायर्न म्युनिख च्याम्पियन्स लिगको अन्तिम आठमा प्रवेश गरेको छ ।
दोस्रो लेगमा रेडबुल साल्सबर्गलाई ७-१ गोल अन्तरले हराउँदै समग्रमा ८-२ को जितसँगै बायर्न क्वाटरफाइनलमा पुगेको हो ।
पहिलो लेगमा बायर्न र साल्सबर्गले १-१ गोलको बराबरी खेलेको थियो ।
घरेलु मैदानमा बायर्नलाई जित दिलाउन रोबर्ट लेवान्डोस्कीले ह्याट्रिक पूरा गरे ।
उनले ११ मिनेटभित्र ह्याट्रिक गोल गर्दै च्याम्पियन्स लिगको खेलमा छिटो ह्याट्रिक गर्ने रेकर्डसमेत बनाए ।
खेलको १२औं मिनेटमा लेवान्डोस्कीले पेनाल्टीबाट गोल गर्दै बायर्नलाई सुरुआती अग्रता दिलाएका थिए ।
२१औं मिनेटमा लेवान्डोस्कीले पेनाल्टी बाटै व्यक्तिगत दोस्रो गोल गर्दै टिमको अग्रता २-० को बनाए ।
खेलको २३औं मिनेटमा लेवान्डोस्कीले ह्याट्रिक पूरा गरेपछि बायर्नको अग्रता तेब्बर बन्यो ।
खेलको ३१औं मिनेटमा सर्जी जिनाब्रीले गोल गरेपछि बायर्नले ४-० को अग्रता बनायो ।
थोमस मुलरले ५४औं मिनेटमा गोल गर्दै टिमको अग्रता ५-० को बनाए ।
खेलको ७० औं मिनेटमा साल्सबर्गका केजरगार्डले गोल गर्दै खेल ५-१ को स्थितिमा ल्याए ।
खेलको ८३ औं मिनेटमा मुलरले व्यक्तिगत दोस्रो गोल गर्दै टिमको अग्रता ६-१ को बनाए ।
त्यसपछि ८६ औं मिनेटमा लोरी सानेले गोल गर्दै बायर्नलाई ७-१ को जित दिलाए ।
