फेसबुकमा अब ‘जब्स’ अप्सन हट्ने भएको छ ।
यस अप्सन अन्तर्गत संस्था वा विभिन्न समूहले फेसबुकमा जागिरका लागि आह्वान गर्न सक्थे । त्यतिमात्र नभई काम गर्नका लागि पनि सोही अप्सनबाट निवेदन दिन समेत सकिन्थ्यो ।
तर मेटाले अब यो सुविधा मङ्गलबार अर्थात २२ फेब्रुअरी (भाेलि) देखि हटाउन लागेको हो ।
मेटाले फेसबुक लाइट, फेसबुक एप र वेभबाट यो सुविधा हटाउने घोषणा गरेको छ ।
अमेरिका र क्यानडाबाहेक अन्य मुलुकबाट यो सुविधा सधैँका लागि बन्द गर्ने कम्पनीले तयारी गरेको बताएकाे छ ।
