फेसबुकमा चिनेका मात्र नभई अन्जान व्यक्तिहरु पनि साथी बन्न सक्छन् ।
त्यस्ता अन्जान साथीहरुले अनावश्यक रूपमा मेसेज गर्ने, स्टेटस र पोस्टहरूमा नराम्रा कमेन्ट गर्ने, जथाभावी ट्याग गर्ने जस्ता कृयाकलापहरु गरी तपाईलाई हैरान बनाईरहेका हुन सक्छन् ।
त्यस्ता व्यक्तिलाई ब्लक गर्नु नै उपयुक्त हुन्छ । ब्लक गरेपछि ती व्यक्तिले साेही एकान्टबाट तपाईंको प्रोफाइल पत्ता लगाउन सक्दैनन् ।
फेसबुकमा ब्लक गर्नका लागि यसो गर्नुहोस् :
- सुरूमा आफ्नो फेसबुक खाता लग–इन गर्नुहोस् ।
- ‘सर्च बक्स’ मा गई ब्लक गर्न चाहनुभएको व्यक्तिको नाम खोज्नुहोस् ।
- सो व्यक्तिको प्रोफाइल खुलेपछि ‘मेसेज’ लेखिएको दायाँ छेउमा रहेको तीन वटा डट थिच्नुहोस् ।
- त्यसपश्चात क्रमशः ‘अडियो कल’, ‘भिडिओ कल’, ‘फाइन्ड सपाेर्ट अर रिपाेर्ट फ्राेफाइल’ पछि आउने ‘ब्लक’ भन्ने विकल्प रोज्नुहोस् ।
- फेसबुकले सो व्यक्तिलाई साँच्चै ब्लक गर्ने हो ? भनेर एउटा सन्देश पठाए पछि पुनः स्क्रिनमा देखिने अप्सनमध्ये ‘ब्लक’ मा क्लिक गरी ब्लक गर्नुहाेस् ।
