इंग्लिस क्लब म्यानचेस्टर युनाइटेडले म्यासन ग्रीनउडलाई क्लबबाट खेल्न र प्रशिक्षणमा प्रतिबन्ध गरेको छ ।
प्रेमिकामाथि कुटपिट गरेको आरोपमा ग्रीनउडमाथि प्रहरीले अनुसन्धान अघि बढाएसँगै युनाइटेडले ग्रीनउडलाई निलम्बन गरेको हो ।
ग्रीनउडकी प्रेमिका ह्यारिएट रोबसनले इन्स्टाग्रामको फोटो र भिडियो सेयर गर्दै आफूलाई कुटपिट र दुव्र्यवहार भएको सार्वजनिक गरेकि थिइन् ।
ग्रीनउडले भने हालसम्म यस विषयमा आधिकारिक धारणा सार्वजनिक गरेका छैनन् ।
ग्रीनउडसँग सम्बन्धित विषयमा विज्ञप्ति जारी गर्दै युनाइटेडले क्लबले यस विषयमा तत्काल राय नदिने बताएको छ ।
‘तस्बिर र ग्रीनउडमाथि लगाइएको आरोपप्रति क्लबको ध्यानाकर्षण भएको छ’ ग्रीनउडलाई निलम्बन गरिएको लेखिएको विज्ञप्तिमा भनिएको छ, ‘युनाइटेड कुनै पनि प्रकारको हिंसालाई समर्थन गर्दैन ।’
