राजवंशी समाज विकास समिति (रासविस)ले आफ्नो २९औं स्थापना दिवस सुनवर्षी–९ भेरुवाथानमा मनाउने भएको छ ।
पुस ५ गते पर्ने रासविसकाे स्थापना दिवसको अवसरमा राजवंशी लोकनृत्य, गीत सङ्गीत र जातीय पहिचान झल्काउने परम्परागत खानाकाे प्रदर्शनी गरिने रासविस मोरङ जिल्ला अध्यक्ष रमेशकुमार राजवंशीले बताए ।
उक्त दिन राजवंशी जातिको शान्ति र एकताको कामना गर्दै एक सय एघार दीप प्रज्वलन गरि भेरुवाथान देवस्थलको परम्परागत रुपमा पूजा अर्चना समेत गरिने अध्यक्ष राजवंशीले जानकारी गराएका छन् ।
नवनिर्वाचित प्रतिनिधि तथा प्रदेशसभा सदस्यको समेत उपस्थित रहने कार्यक्रममा राजवंशी समाजका वृद्धवृद्धालाई सम्मान गरिने, शान्तिको प्रतिक परेवा उडाइने र परम्परागत खानाकाे परिकार ‘गाजी मुरी’ खुवाइने बताइएकाे छ ।
