३ हजारको फेन्सी सामान किनेकी नुवाकोटकी सन्तमायाले जितिन् १० लाख
करदाता प्रोत्साहन उपहार कार्यक्रमअन्तर्गत असोज महिनाको दोस्रो पाक्षिक पुरस्कार नुवाकोटकी सन्तमाया तामाङले जितेकी छन्। एसएस फेन्सी हाउसबाट तीन हजार रुपैयाँको सामान खरिद गरेकी उनले १० लाख रुपैयाँ पुरस्कार प्राप्त गरेकी हुन्।आइतबार काठमाडौंको न्युरोडस्थित विशाल बजार परिसरमा आयोजित कार्यक्रममा पुरस्कार घोषणा गरिएको हो। कलाकारद्वय दीपकराज गिरी र दीपाश्री निरौलाले फोनमार्फत सन्तमायालाई पुरस्कार जितेको जानकारी गराएका थिए।कार्यक्रमअन्तर्गत अन्य १६ जनाले जनही एक लाख रुपैयाँ पुरस्कार प्राप्त गरेका छन्। कार्यक्रममा अर्थ मन्त्रालय र आन्तरिक राजस्व विभागका अधिकारीहरूको उपस्थिति रहेको थियो।
