विराटनगर । मुग्लिन–काठमाडौँ सडकखण्ड पहिरोका कारण पूर्ण रूपमा अवरुद्ध भएपछि जिल्ला प्रशासन कार्यालय मकवानपुरले वैकल्पिक मार्गका रूपमा रहेको त्रिभुवन राजपथमा सवारी आवागमन व्यवस्थित गर्न नयाँ समयतालिका निर्धारण गरेको छ।
निर्धारित समयतालिकाअनुसार हेटौँडाबाट काठमाडौँतर्फ जाने सवारीसाधनलाई असोज २४ गते बिहान २ बजेदेखि ५ बजेसम्म र दिउँसो ३ बजेदेखि साँझ ६ बजेसम्म सञ्चालन गर्न दिइनेछ।
त्यस्तै, असोज २५ गते बिहान ४ बजेदेखि १० बजेसम्म उक्त सडकमा सवारी सञ्चालन गर्न पाइनेछ।यसैगरी, काठमाडौँबाट हेटौँडातर्फ आउने सवारीसाधनका लागि असोज २४ गते बिहान ९ बजेदेखि दिउँसो १२ बजेसम्म र साँझ ६ः३० बजेदेखि राति ११ बजेसम्मको समय निर्धारण गरिएको छ।
असोज २५ गते दिउँसो २ बजेदेखि साँझ ७ बजेसम्म काठमाडौँबाट हेटौँडातर्फ सवारी सञ्चालन गर्न अनुमति दिइनेछ।
प्रशासनले त्रिभुवन राजपथमा ११ मिटर लम्बाइसम्मका यात्रुवाहक सवारीसाधनलाई मात्र सञ्चालन अनुमति दिएको छ।
