नेपाली कांग्रेसको १५औँ महाधिवेशनमा सभापतिमा निर्वाचित गगनकुमार थापाले सर्वाधिक मत प्राप्त गरेका छन्। सभापति पदका प्रतिस्पर्धी श्यामकृष्ण खड्कालाई पराजित गरेका थापाले ६ हजार ५८४ मत प्राप्त गर्दै महाधिवेशनकै सबैभन्दा बढी मत पाउने उम्मेदवार बनेका हुन्।
थापाले कुल मतको ९४.६ प्रतिशत प्राप्त गर्दा खड्काले ३७५ मत अर्थात् ५.४ प्रतिशत मत पाएका छन्। सभापति पदमा थापाले प्राप्त गरेको मतले उनलाई महाधिवेशनका निर्वाचित उम्मेदवारमध्ये पहिलो स्थानमा पुर्याएको छ।
महाधिवेशनको उपलब्ध मतपरिणामअनुसार सर्वाधिक मत प्राप्त गर्ने शीर्ष १० उम्मेदवारको सूचीमा सभापति थापासँगै खुला केन्द्रीय सदस्य, महिला केन्द्रीय सदस्य, सहमहामन्त्री तथा विभिन्न समावेशी समूहबाट निर्वाचित नेताहरू परेका छन्।
सर्वाधिक मत ल्याउनेमा को दोस्रो र तेस्रो?
सर्वाधिक मत प्राप्त गर्ने उम्मेदवारको सूचीमा ललितपुर महानगरपालिकाका मेयरसमेत रहेका खुला केन्द्रीय सदस्य चिरीबाबु महर्जन दोस्रो स्थानमा छन्। उनले ५ हजार ३३० मत अर्थात् कुल मतको ७७.५ प्रतिशत प्राप्त गरेका छन्।
तेस्रो स्थानमा वासना थापा रहेकी छन्। महिला खुला केन्द्रीय सदस्यमा निर्वाचित उनले ५ हजार १९३ मत अर्थात् ७४ प्रतिशत मत प्राप्त गरेकी छन्।
त्यस्तै, बागमतीबाट महिला केन्द्रीय सदस्यमा निर्वाचित हरिप्रभा खड्गी ५ हजार १२६ मतसहित चौथो स्थानमा रहेकी छन्। उनले ७३.८ प्रतिशत मत प्राप्त गरेकी छन्।
महिला सहमहामन्त्रीमा निर्वाचित प्रतिमा गौतम ५ हजार ११६ मतसहित पाँचौँ स्थानमा छिन्। उनले कुल मतको ७२.९ प्रतिशत मत प्राप्त गरेकी छन्।
टप टेनमा सहमहामन्त्रीदेखि युवा नेतासम्म
खुला केन्द्रीय सदस्यमा निर्वाचित निश्कल राई ४ हजार ९५६ मतसहित छैटौँ स्थानमा छन्। उनले ७२ प्रतिशत मत प्राप्त गरेका छन्।
दलित सहमहामन्त्रीमा निर्वाचित प्रकाश रसाइली ‘स्नेही’ ४ हजार ८०३ मतसहित सातौँ स्थानमा परेका छन्। उनले ६९.२ प्रतिशत मत प्राप्त गरेका छन्।
जनजाति केन्द्रीय सदस्यमा निर्वाचित तीर्थ लामा ४ हजार ८५३ मतसहित आठौँ स्थानमा रहेको विवरणमा उल्लेख छ। उनले ६९.१ प्रतिशत मत प्राप्त गरेका छन्।
खुला केन्द्रीय सदस्यमा निर्वाचित इन्द्रबहादुर बानियाँ ४ हजार ७३२ मतसहित नवौँ स्थानमा छन्। उनले ६८.८ प्रतिशत मत प्राप्त गरेका छन्।
यस्तै, गण्डकीबाट ३५ वर्षमुनिको युवा कोटामा केन्द्रीय सदस्य निर्वाचित इन्जिनियर सुवास पौडेल शीर्ष १० मा परेका छन्। उनले ४ हजार ५४९ मत अर्थात् ६५.८ प्रतिशत मत प्राप्त गर्दै दसौँ स्थान हासिल गरेका छन्।
सर्वाधिक मत प्राप्त गर्ने शीर्ष १० उम्मेदवार
१. गगनकुमार थापा — सभापति — ६,५८४ मत (९४.६%)
२. चिरीबाबु महर्जन — खुला केन्द्रीय सदस्य — ५,३३० मत (७७.५%)
३. वासना थापा — महिला खुला केन्द्रीय सदस्य — ५,१९३ मत (७४%)
४. हरिप्रभा खड्गी — बागमतीबाट महिला केन्द्रीय सदस्य — ५,१२६ मत (७३.८%)
५. प्रतिमा गौतम — महिला सहमहामन्त्री — ५,११६ मत (७२.९%)
६. निश्कल राई — खुला केन्द्रीय सदस्य — ४,९५६ मत (७२%)
७. प्रकाश रसाइली ‘स्नेही’ — दलित सहमहामन्त्री — ४,८०३ मत (६९.२%)
८. तीर्थ लामा — जनजाति केन्द्रीय सदस्य — ४,८५३ मत (६९.१%)
९. इन्द्रबहादुर बानियाँ — खुला केन्द्रीय सदस्य — ४,७३२ मत (६८.८%)
१०. इन्जिनियर सुवास पौडेल — गण्डकीबाट ३५ वर्षमुनिको युवा केन्द्रीय सदस्य — ४,५४९ मत (६५.८%)
