युइएफए च्याम्पियन्स लिग फुटबलअन्तर्गत मङ्गलबार राति भएको खेलमा साविक विजेता चेल्सी विजयी भएको छ ।
च्याम्पियन्स लिगको अन्तिम १६ अन्तर्गत पहिलो लेगमा चेल्सीले लिललाई २-० गोल अन्तरले हराएको हो ।
घरेलु मैदानमा चेल्सीलाई जित दिलाउन काइ हार्भट्ज र क्रिस्टियन पुलिसिचले एक-एक गोल गरे ।
खेलको आठौँ मिनेटमा हार्भट्जले गोल गर्दै चेल्सीलाई सुरुआती अग्रता दिलाएका थिए ।
त्यसपछि खेलको ६३औँ मिनेटमा पुलिसिचले गोल गर्दै चेल्सीलाई २-० को जित दिलाए ।
यस जितसँगै चेल्सीले अन्तिम आठमा पुग्ने सम्भावना बलियो बनाएको छ ।
दोस्रो लेगको खेल १६ मार्चमा लिलेको मैदानमा हुने छ ।
दुवै खेलमा जित निकाल्ने टिम क्वार्टरफाइनलमा पुग्ने छ ।
गएराति नै भएको अर्को खेलमा इटालियन क्लब युभेन्टस र स्पेनको भिल्लारियलले बराबरी खेलेका छन् ।
भिल्लाको मैदानमा सुरुआती अग्रता जोगाउन नसक्दा युभेन्टसले १-१ गोलको बराबरी खेल्नु परेको हो ।
खेलको ३२औँ सेकेन्डमा नै डुसन भ्लाहोभिचले गोल गर्दै युभेन्ट्सलाई सुरुआती अग्रता दिलाएका थिए ।
तर खेलको ६६ औँ मिनेटमा डानी परेजोले गोल गर्दै युभेन्ट्सलाई १-१ गोलको बराबरीमा ल्याएका थिए ।
अब दुई टोलीबीचको दोस्रो लेग मार्च १७ मा हुनेछ ।
दोस्रो लेग युभेन्टसको मैदानमा हुनेछ ।
च्याम्पियन्स लिगमा आज (बुधबार) इङ्ग्ल्यान्डको म्यानचेस्टर युनाइटेडले स्पेनिस च्याम्पियन क्लब एथ्लेटिको मड्रिडसँग खेल्दै छ ।
अन्तिम १६ अन्तर्गत पहिलो लेगको उक्त खेल वान्डा मेट्रोपोलिटानोमा नेपाली समयानुसार राति १ः४५ बजे हुने छ ।
यस खेलमा दुवै टिम एक–अर्कामाथि जित निकाल्दै पहिलो लेगमा अग्रता बनाउने योजनामा हुने छन् ।
यी दुई टिमको दोस्रो लेगको खेलमा १५ मार्चमा युनाइटेडको मैदान ओल्ड ट्राफोर्डमा हुने छ ।
दुवै लेगमा जित निकाल्ने टिम अन्तिम आठमा प्रवेश गर्ने छ ।
यो पनि :
