अखिल नेपाल फुटबल सङ्घ (एन्फा) ले यसै महिनाबाट सहिद स्मारक ‘बी’ डिभिजन लिग सुरु गर्ने भएको छ ।
एन्फाले ‘बी’ डिभिजन लिग फागुन १८ देखि चैत २७ गतेसम्म सञ्चालन हुने जानकारी दिएको हो ।
एन्फाले लिगको खेल तालिकासमेत सार्वजनिक गरेको छ ।
लिगमा १४ टोलीले सिङ्गल राउन्ड रोबिनको आधारमा प्रतिस्पर्धा गर्नेछन् ।
लिगको शीर्ष दुई टोली ‘ए’ डिभिजनमा बढुवा र अन्तिममा रहने दुई टोली ‘सी’ डिभिजनमा घटुवा हुनेछन् ।
एन्फाले लिगमा सहभागी क्लबलाई तयारी खर्च स्वरुप १२ लाख ५० हजार रुपैयाँ प्रदान गर्ने पनि जनाएको छ ।
यसैगरी लिगको च्याम्पियन टोलीले १५ लाख, दोस्रो हुनेले १० लाख र तेस्रो हुने क्लबले पाँच लाख रुपैयाँ पुरस्कार प्राप्त गर्नेछन् ।
लिगको प्रत्येक खेलमा जित्ने टोलीलाई २५ हजार, लिगको अनुशासित टोलीलाई एक लाख, सवोत्कृष्ट खेलाडीलाई एक लाख, सर्वाधिक गोलकर्ता र उत्कृष्ट गोलरक्षकलाई समान ५० हजार रुपियाँ प्रदान गरिने एन्फाले जनाएको छ ।
लिगको पहिलो दिन तीन खेलहरु हुने छन् ।
पहिलो खेलमा झम्सिखेल युथ क्लब र श्री भगवती क्लबले प्रतिस्पर्धा गर्ने छन् ।
यस्तै दोस्रो खेलमा बाँसबारी क्लब र सरस्वती युथ क्लब तथा तेस्रो खेलमा वीरगन्ज युनाईटेड र बोइज युनियन क्लबबीच प्रतिस्पर्धा हुनेछ ।
यो पनि :
