विराटनगर । आईसीसी क्रिकेट विश्वकप लिग–२ अन्तर्गत ओमानमा जारी ओडीआई शृङ्खलाको अन्तिम खेलमा नेपालले आज घरेलु टोली ओमानसँग प्रतिस्पर्धा गर्दैछ।
अल अमेरतस्थित मिनिस्ट्री टर्फ–१ मा हुने खेल नेपाली समयअनुसार बिहान ११स्१५ बजे सुरु हुनेछ।
लिग–२ को अंकतालिकामा शीर्ष ६ भित्र स्थान बनाउन नेपाललाई यो खेल जित्नैपर्ने दबाब छ। शृङ्खलाको सुरुवाती दुई खेलमा क्यानडा र ओमानलाई हराएको नेपाल पछिल्लो खेलमा शनिबार क्यानडासँग पराजित भएको थियो।
क्यानडासँगको हारपछि नेपाल ३५ खेलमा २८ अंकसहित सातौँ स्थानमा झरेको छ भने क्यानडा ३६ खेलमा २९ अंक जोड्दै छैटौँ स्थानमा उक्लिएको छ। आज ओमानलाई हराउन सके नेपाल पुनः छैटौँ स्थानमा उक्लिनेछ।
लिग–२ को शीर्ष ६ मा रहने टोलीले एकदिवसीय अन्तर्राष्ट्रिय ९ओडीआई० मान्यता जोगाउने सम्भावना उच्च हुने भएकाले नेपालका लागि आजको खेल निकै महत्त्वपूर्ण मानिएको छ।
