विराटनगर । एनपीएलको तेस्रो संस्करणको तयारीमा रहेको विराटनगर किङ्सले भारतको उत्तर प्रदेशस्थित पूर्वाञ्चल क्रिकेट एकेडेमीमा प्रशिक्षण गरिरहेको छ।
सेप्टेम्बर २९ देखि सुरु भएको प्रशिक्षणमा कप्तान सन्दीप लामिछानेबाहेक अन्य खेलाडी सहभागी छन्।
सन्दीप आईसीसी क्रिकेट विश्वकप लिग–२ अन्तर्गत ओमानमा जारी सिरिजका लागि राष्ट्रिय टोलीसँग छन् भने लोकेश बम अक्टोबर ११ देखि प्रशिक्षणमा सहभागी हुनेछन्।
विराटनगर किङ्सले पूर्वाञ्चल क्रिकेट एकेडेमीमा रणजी ट्रफी खेलिसकेका भारतीय खेलाडीहरूसँग फ्लडलाइटमा अभ्यास खेलसमेत खेलिरहेको छ।
टोलीलाई मुख्य प्रशिक्षक धम्मिका प्रसाद र स्पिन बलिङ प्रशिक्षक दिनुका सुलक्सानाले प्रशिक्षण दिइरहेका छन्।
