सहिद स्मारक ‘ए’ डिभिजन लिगका १०औँ चरणका खेल तालिका सार्वजनिक भएको छ ।
अखिल नेपाल फुटबल सङ्घ (एन्फा)ले आज १०औं, ११औं र १२औं चरणका खेल तालिका सार्वजनिक गरेको हो ।
एन्फाका अनुसार माघ २८ गतेबाट १०औं चरणका खेल सुरू हुने भएका छन् ।
१०औं चरणको पहिलो खेल दशरथ रङ्गशालामा हुँदैछ ।
आउँदो शुक्रबार दिउँसो एक बजे हुने पहिलो खेलमा फ्रेन्ड्स क्लबले बिग्रेड ब्वाइज क्लबको सामना गर्नेछ ।
सोही दिन हुने दोस्रो खेल ४ः४५ बजे दशरथ रङ्गशालामा नै हुनेछ ।
१०औं चरणको दोस्रो खेलमा त्रिभुवन आर्मी क्लब र जावलाखेल युथ क्लब आमनेसामने हुने भएका छन् ।
तीन चरणका २१ खेल दशरथ रङ्गशाला र सातदोबाटोस्थित एन्फा कम्प्लेक्समा खेलाइने एन्फाले जनाएको छ ।
यस संस्करणको लिगमा एन्फाले दशरथ, पोखरा र एन्फा कम्प्लेक्स गरी तीन रङ्गशाला प्रयोग गर्ने बताइसकेको छ ।
लिगको ११औं चरणका खेल फागुन ३ गतेबाट र १२औं चरण फागुन ७ गतेबाट सुरू गर्ने एन्फाको तयारी छ ।
लिगको अन्तिम चरणको खेल तालिका भने एन्फाले हाल सार्वजनिक गरेको छैन ।
लिगका नवौं चरणका खेल सकिँदा २३ अङ्कका साथ मछिन्द्र फुटबल क्लब पहिलो स्थानमा छ भने फ्रेन्ड्स क्लब तीन अङ्कका साथ अन्तिम स्थानमा छ ।
यस्ताे छ खेल तालिकाः
