इङ्ग्लिस क्लब एभर्टनले मुख्य प्रशिक्षकमा इङ्ग्ल्यान्डका पूर्वमिडफिल्डर फ्रान्क लाम्पार्डलाई नियुक्त गरेको छ ।
सोमबार एभर्टनले ४३ वर्षीय लाम्पार्डलाई मुख्य प्रशिक्षक नियुक्त गरिएको जनाएको छ ।
लाम्पार्डले एभर्टनसँग साढे दुई वर्षको सम्झौता गरेका छन् ।
गत वर्ष चेल्सीबाट बर्खास्तमा परेपछि लाम्पार्ड क्लबविहीन थिए ।
यता, एभर्टन गत आइतबार बेनिटेजलाई बर्खास्त गरेपछि केयर टेकर प्रशिक्षक डुनकान फर्गुसनको नेतृत्वमा थियो ।
लाम्पार्डको नेतृत्वमा एभर्टनले शनिबार एफए कपमा ब्रेन्टफोर्डविरुद्ध प्रतिस्पर्धा गर्नेछ ।
यो पनि :
