गामबियालाई हराउँदै क्यामरुन अफ्रिकी कप अफ नेसन्स (एफकन) २०२१ को सेमिफाइनलमा पुगेको छ ।
डोवाल रङ्गशालामा भएको प्रतियोगिताको पहिलो क्वाटरफाइनल खेलमा आयोजक क्यामरुन र गामबिया भिडेका थिए ।
सेमिफाइनलमा क्यामरुनको स्थान पक्का गर्न कार्ल टोको एकाम्बीले दुई गोल गरे । पहिलो हाफ गोलरहित बराबरीमा सकिए पनि दोस्रो हाफको ५०औं र ५७औं मिनेटमा गोल गर्दै एकाम्बीले क्यामरूनकाे सेमिफाइनलमा यात्रा पक्का गरे ।
प्रतियोगिताको अन्तिम १६ मा कोमोरोसलाई २–१ ले हराउँदै क्यामरुनले क्वाटरफाइनलमा स्थान बनाएको थियो ।
यता क्यामरुनसँग आजको खेलमा पराजित गामबियाले भने अन्तिम १६मा गिनीलाई १–० ले स्तब्ध बनाएको थियो ।
एफकन अन्तर्गत आजै हुने दोस्रो खेलमा ट्युनिसिया र बुर्किना फासो आमनेसामने हुँदैछन् ।
क्यामरुनस्थित रुम्दे अडिजा रङ्गशालामा हुने दोस्रो क्वाटरफाइनल खेल राती १२ः४५ सुरू हुनेछ ।
