अफ्रिकी कप अफ नेसन्स (एफकन) २०२१ अन्तर्गत आजबाट अन्तिम आठका खेल सुरू हुँदैछन् ।
आज हुने खेलमा आयोजक राष्ट्र क्यामरुन, गामबिया, बुर्किना फासो र ट्युनिसिया मैदान उत्रँदैछन् ।
आज राती ९ः४५ मा हुने पहिलो खेलमा आयोजक क्यामरुनले गामबियाको सामना गर्दैछ ।
प्रतियोगिताको अन्तिम १६ मा कोमोरोसलाई २–१ ले हराउँदै अयोजक क्यामरुनले क्वाटरफाइनलमा स्थान बनाएको थियो । क्यामरुनको आजको प्रतिद्वन्द्वी गामबियाले भने अन्तिम १६मा गिनीलाई १–० ले स्तब्ध बनाएको थियो ।
त्यस्तै आजै हुने दोस्रो खेलमा बुर्किना फासो र ट्युनिसिया आमनेसमाने हुँदैछन् ।
राती सवा एक बजे सुरू हुने खेलमा दुवै टोली खेल जित्दै सेमिफाइनल पुग्न चाहन्छन् । अन्तिम १६ को आफ्नो खेलमा गाबोनलाई सडन डेथमा ७–६ ले पाखा लगाउँदै फासो प्रतियोगिताको क्वाटरफाइनलमा आइपुगेको हो ।
ट्युनिसियाले भने प्रतियोगिताकै उपाधि दाबेदार मानिएको नाइजेरियालाई १–० ले स्तब्ध बनाउँदै फासोविरुद्धको भिड्न्त पक्का गरेको थियो ।
क्यामरुन र गामबियाबीचको पहिलो खेल डोवाला रङ्गशालामा हुनेछ भने दोस्रो खेल रुम्दे अडिजा रङ्गशालामा आयोजना हुँदैछ ।
