काठमाडौं । नेपाली क्रिकेट टोली यसपटक हङकङ सिक्सेस क्रिकेट प्रतियोगितामा सहभागी नहुने भएको छ।
आयोजकले सोमबार सार्वजनिक गरेको प्रतियोगितामा सहभागी टोलीको सूचीमा नेपालको नाम छैन। यसपटक स्कटल्यान्डले पनि प्रतियोगितामा सहभागिता जनाउने भएको छ।
प्रतियोगितामा आयोजक हङकङसहित ओमान, यूएई, स्कटल्यान्ड, अस्ट्रेलिया, दक्षिण अफ्रिका, भारत, श्रीलंका, पाकिस्तान, अफगानिस्तान, इंग्ल्यान्ड र बंगलादेश सहभागी हुनेछन्।
हङकङ सिक्सेस अक्टोबर ३० देखि नोभेम्बर १ सम्म तीन दिन हङकङको तिनकोङ रोड रिक्रिएसन ग्राउन्डमा आयोजना हुँदैछ।
तर प्रतियोगिताको मिति नेपाल प्रिमियर लिग (एनपीएल) को तालिकासँग जुधेकाले नेपाली टोलीको सहभागिता कठिन भएको हो।
नेपाल क्रिकेट संघ (क्यान) का सचिव पारस खड्काले पनि यसपटक हङकङ सिक्सेसमा नेपालको सहभागिता कठिन देखिएको बताएका छन्।
नेपालले यसअघि हङकङ सिक्सेसमा सहभागिता जनाउँदै आएको थियो। तर यसपटक एनपीएलको तालिकासँग समय जुधेपछि नेपाली टोली प्रतियोगिताबाट बाहिर रहने भएको हो।
