काठमाडौं। युक्रेनका राष्ट्रपति भ्लोदिमिर जेलेन्स्कीले रक्षामन्त्री मिखाइलो फेडोरोभलाई पदबाट हटाएपछि देशका विभिन्न स्थानमा विरोध प्रदर्शन सुरु भएको छ।
बिहीबार बिहान राजधानी किएभसहित अन्य सहरमा युवाहरू सडकमा उत्रिएका छन्। प्रदर्शनकारीहरूले ‘फेडोरोभबाट टाढै रहो’ र ‘जितमा बाधा पुर्याउन बन्द गर’ लेखिएका पोस्टर बोकेर सरकारविरुद्ध नाराबाजी गरेका छन्। उनीहरूले ‘लाज मान’ भन्दै राष्ट्रपति जेलेन्स्कीको निर्णयको विरोध गरेका छन्।
यसबीच राष्ट्रपति जेलेन्स्कीले सुरक्षा सेवा (एसबियु) का कार्यवाहक प्रमुख मेजर–जनरल येभेनी खमारालाई कार्यवाहक रक्षामन्त्री नियुक्त गर्ने प्रस्ताव गरेका छन्।
जेलेन्स्कीले खमाराको बचाउ गर्दै उनले आधुनिक तथा प्राविधिक युद्ध सञ्चालनमा व्यापक र अभूतपूर्व अनुभव हासिल गरेको भन्दै रक्षा मन्त्रालयको नेतृत्वका लागि उपयुक्त रहेको बताएका छन्।
