विराटनगर । फिफा विश्वकप २०२६ को तयारीमा रहेको इंग्ल्यान्ड राष्ट्रिय फुटबल टोलीको प्रशिक्षण सामग्री चोरी भएको छ।
टोलीका सामग्रीहरू क्यान्सस सिटीस्थित प्रशिक्षण केन्द्र पुग्नुअघि चोरी भएका हुन्।प्रारम्भिक जानकारीअनुसार फुटबल, खेलाडीका बुटलगायतका सामग्री चोरी भएको आशंका गरिएको छ।
ती सामग्री प्रशिक्षण केन्द्रतर्फ लैजाँदै गर्दा सवारीसाधनमा तोडफोड गरी चोरी गरिएको बताइएको छ।घटनापछि प्रहरीले अनुसन्धान सुरु गरेको छ भने यस सम्बन्धमा दुई जनालाई पक्राउ गरिएको जनाइएको छ।
यो घटनाले क्रोएसियाविरुद्ध हुने उद्घाटन खेलअघिको इंग्ल्यान्ड टोलीको तयारीमा केही असर पार्न सक्ने अनुमान गरिएको छ।
