विराटनगर । नक्कली कागजात प्रयोग गरी राष्ट्रिय टोलीमा सातजना खेलाडी उतारेको प्रमाणित भएपछि एएफसीको मलेसियालाई कारबाही गरेको छ । कारबाही स्वरूप एएफसीले मलेसियाले नेपाल र भियतनामविरुद्ध निकालेको जितको नतिजा उल्ट्याएको छ । एसियन कप– २०२७ छनोटमा नेपाल र भियतनामलाई ३–० को प्राविधिक जितको मान्यता दिएको हो । गत वर्ष छनोट खेलमा नेपाल मलेसियासँग २–० ले पराजित भएको थियो ।
यस निर्णयसँगै मलेसिया २०२७ को एसिया कप छनोटबाट आधिकारिक रूपमा बाहिरिएको छ भने भियतनाम एसिया कपमा छनोट भएको छ । प्रतियोगिताबाट बाहिरिएको नेपालले भने महत्वपूर्ण ३ अंक बटुलेको छ । त्यसबाहेक मलेसियालाई ५० हजार अमेरिकी डलर जरिवाना पनि तिराउने भएको छ ।
