काठमाडौं । बंगलादेशमा जारी साफ यू-२० महिला च्याम्पियनसिपमा तेस्रो जित निकालेको छ ।
बिहीबार आफ्नो चौथो खेल खेलेको नेपालले श्रीलंकामाथि ७-० गोलान्तरको फराकिलो जित आत्मसात् गरेको हो
यसअघि पहिलो खेलमा नेपालले श्रीलंकालाई यही स्कोरमा पराजित गरेको थियो ।
जितसँगै दोस्रो स्थानमा रहेको नेपालले ४ खेलबाट ९ अंक पुर्याएको छ। समान खेल खेलेको श्रीलंका जित र अंकविहीन छ।
नेपालको जितमा कुसुम खतिवडा र समीक्षा मगरले समान २ गोल गरे। पूर्णिमा राई, सरिता नाथ र विर्सना चौधरीको नाममा १ गोल रह्यो ।
च्याम्पियनसिपमा सहभागी चार टोलीले एक आपसमा दुई पटक खेलेपछि शीर्ष स्थानमा रहने टोली च्याम्पियन बन्नेछ ।
