विराटनगर । मोरङ विराटनगर महानगरपालिका-८ हाटखोलास्थित सुशीला कोइराला आरोहण गुरुकुलमा नाटक ‘प्रोजेक्ट बी’ मञ्चन सुरु भएको छ ।
गुरुकुलमा शनिबार (आज) देखि सुरु भएको नाटक ‘प्रोजेक्ट बी’ आगामी १५ दिनसम्म नियमित मञ्चन हुने छ ।
बाडुल्की कम्पनीले तयार पारेको यो नाटक सोही कम्पनीका अध्यक्ष लकेश दङ्गालले लेखेका हुन् भने सविन भट्टराईले निर्देशन गरेका हुन् ।
नाटक प्रत्येक दिन बिहान ११:३० बजे, २:३० बजे र अपराह्न ४:३० बजे नाटक मञ्चन हुने नाटकका लेखक दंगालले जानकारी दिए ।
उनका अनुसार आवश्यकताअनुरूप टिकेट बुकिङ गर्न सकिनेछ ।
