काठमाडौं । इन्डियन प्रिमियर लिग (आइपिएल) को १८औं संस्करणमा भारतीय युवा क्रिकेटर वैभव सूर्यवंशी चम्किरहेका छन् ।
कम उमेरमा शतक हान्ने खेलाडी बनेका वैभवले मंगलबारको खेलमा अग्रज खेलाडीप्रति आफ्नो सम्मान प्रकट गरे ।
दिल्लीको अरुण जेटली रंगशालामा राजस्थान रोयल्सले चेन्नई सुपर किंग्सलाई ६ विकेटले पराजित गरेको थियो ।
पहिले ब्याटिङ गर्दै चेन्नईले ८ विकेट गुमाएर १८७ रन बनाएको थियो । जवाफमा राजस्थानले वैभव सूर्यवंशीको अर्धशतकको मद्दतले १७ बल बाँकी रहँदै लक्ष्य हासिल गरेको थियो ।
चेन्नईका कप्तान महेन्द्रसिंह धोनी र राजस्थानका सञ्जु स्यामसनले टी–२० मा आफ्नो ३५० छक्का पूरा गरे ।
नूर अहमदको फ्री–हिट बलमा छक्का प्रहार गर्दै वैभवले आफ्नो अर्धशतक पूरा गरे ।
तुषार देशपाण्डेको बलमा चौका प्रहार गर्दै ह्याट्रिक पूरा गरेपछि अर्को बलमा आयुष म्हात्रे आउट भए ।
खेल सकिएपछि दुवै टोलीका खेलाडीहरूले एकअर्कासँग हात मिलाइरहेका बेला धोनी र वैभव आमनेसामने भएका थिए ।
धोनी नजिक आउनेबित्तिकै वैभवले हात मिलाउनुको सट्टा उनको खुट्टा छोए । यसपछि धोनीले वैभवलाई हेरे र मुस्कुराए ।
