विराटनगर । योनेक्स सनराईज नेपाल इन्टरनेसनल ब्याडमिन्टन च्यालेन्ज-२०२४ मा नेपालको यात्रा एक कांस्यमा सीमित भएको छ ।
राष्ट्रिय खेलकुद परिषद्को कभर्ड हलमा बुधबार भएको सेमिफाइनल खेलमा नेपालका नम्बर एक खेलाडी प्रिन्स दाहाल र रसिला महर्जनको जोडी कास्यमा सीमित भएको हो ।
उनीहरू थाइल्यान्डका नोन्ताकोर्न थोङ अन र कोड्चापोर्न चाइछानाको जोडीसँग २१–१५, २१–१७ ले पराजित भए ।
यसअघि प्रिन्स र रसिलाको जोडीले क्वाटरफाईनलमा नेपालकै क्षितिज खनाल र शोभा गौचनको जोडीलाई हराएर सेमिफाइनलमा स्थान बनाएका थिए ।
नेपाल ब्याडमिन्टन संघको आयोजनामा जारी च्याम्पियनसिपको मिकस युगलकै अर्को खेलमा मलेसियाका लाउ यि सेङ र याप रु चेनको जोडीले फाइनलमा स्थान बनाए ।
महिला एकलतर्फ भारतकी इरा शर्मा र थाइल्याण्डकी ललिनरात चाईवान फाइनलमा पुगेका छन् ।
