विराटनगर । विराटनगर महानगरपालिका-८ मा अवस्थित ग्रेडेड स्कुलले विद्यालयले द्वितीय त्रैमासिक परीक्षाको नतिजासँगै चित्रकला, हस्तकला र विज्ञान प्रदर्शनी गरेको छ ।
स्कुलले शुक्रबार अतरिक्त क्रियाकलापअन्तर्गत विद्यालय परिसरमा चित्रकला, हस्तकला र विज्ञान प्रदर्शनी गरेको हो ।
विद्यार्थीहरूलाई विभिन्न समूहमा विभाजित गर्दै विज्ञानका विभिन्न सामग्रीहरू जस्तैः रोबोटिक कार, हाइड्रोलिक क्रेन र ब्रिज, सूर्य र चन्द्र ग्रहण, स्मार्ट सिटी, सेक्युरिटी हाउस, म्याग्नेटिक इन्डक्सन, वाटर फिल्टर, स्वास्थ्यतर्फ मानव शरीरको बनोट, पाचन प्रणाली, मानव मुटु बनाइएको थियो।
हस्तकलातर्फ स्मार्ट सिटी ,घरहरू, फूल र विभिन्न घरायसी सजावटका सामग्री बनाएका थिए ।
त्यस्तै, चित्रकला प्रदर्शनी पनि गरिएको थियो ।
विद्यालयले पढाइसँगै विभिन्न प्रकारका विद्यार्थीहरूको सीप र क्षमताअनुसार विद्यार्थीहरूको सर्वांगीण विकास गर्ने हेतुले यस प्रकारका कार्यक्रम गर्दै आएको विद्यालयका प्रधानाध्यापक प्रेमलाल सिंह स्वालले जानकारी गराए ।
