विराटनगर । स्पेनिस ला लिगामा साविक विजेता रियल मड्रिडले संघर्षपूर्ण जित आत्मसात गरेको छ ।
मंगलबार राति घरेलु मैदानमा भएको खेलमा रियलले अल्भेसमाथि ३-२ गोलको जित निकालेको हो ।
सान्टियागो बर्नाबेउमा रियललाई जिताउन लुकास भास्क्वेज, किलियन एम्बाप्पे र रोड्रिगोले एक-एक गोल गरे ।
अल्भेसका कार्लोज बेनाभिड्ज र किक गार्सियाले एक-एक गोल गरे ।
जितसँगै दोस्रो स्थानको रियलले सात खेलमा १७ अंक जोडेको छ ।
रियल शीर्ष स्थानको बार्सिलोनाभन्दा मात्र एक अंकले पछाडि छ ।
लगातार ६ खेलमा जित हात पारेको बार्सिलोनासँग १८ अंक छ ।
