विराटनगर । पेरिस सेन्ट जर्मेन (पिएसजी) ले फ्रेन्च लिग वानको उपाधि जितेको छ । गए राति सम्पन्न खेलमा टोउलोउससँग ३–१ गोलको हार बेहोरे पनि पिएसजीले यस सिजनको लिग जितेको हो ।
टोउलोउसको जितमा थिजस डालिंगा, यन बोहो र फ्र्यांक माग्रीले एक एक गोल गरेका थिए । त्यसैगरी पिएसजीका लागि एक गोल किलियन एम्बाप्पेले गरेका थिए ।
यस सिजनको लिगमा पिएसजीको यो दोस्रो हार हो । ३२ खेलमा ७० अंक रहेको पिएसजी लिगमा शीर्ष स्थानमा कायम रहेको छ र यस सिजनका दुई खेलअघि नै उपाधि जितेको छ ।
दोस्रो स्थानमा रहेको मोनाको ३३ खेलमा ६४ अंक सहित ६ अंकले पछाडि परेपछि पिएसजीले उपाधि जितेको हो । यस सिजनमा लिगमा ३४ खेल मात्र खेलिँदै छ ।
पिएसजीको यो १२औं फ्रेन्च लिग वानको उपाधि हो । पछिल्लो तीन वर्ष लगातार पिएसजीले यो उपाधि जितेको छ ।
