एजेन्सी । इंग्लिस प्रिमियर लिगमा लिभरपुलले लटन टाउनमाथि सानदार जित निकालेको छ । बुधबार राति घरेलु मैदानमा भएको लिभरपुलले लटनमाथि ४-१ गोलान्तरको जित दर्ता गरेको हो ।
लिभरपुलको जितमा भर्जिल भान डाइक, कोडी गाप्को, लुइस डियाज र हार्भे इलियटले एक-एक गोल गरे । लटनका लागि भने किडोजाइ ओभगेनेको गोल सान्त्वना बन्यो ।
खेलको १२औं मिनेटमा ओभगेनेको गोलमा लटनले सुरुआती अग्रता बनाएको थियो । तर, लिभरपुलले दोस्रो हाफमा चार गोल गर्दै जित हासिल गरेको हो ।
जितसँगै शीर्ष स्थानको लिभरपुलले २६ खेलमा ६० अंक जोडेको छ । ऊ दोस्रो स्थानको म्यानचेस्टर सिटीभन्दा चार अंकले अगाडि छ ।
सिटीले २५ खेल खेलेको छ ।
