विराटनगर । आइसीसी विश्वकप लिग–२ मा आज नेपाली क्रिकेट टोलीले नामिबियासँग खेल्दै छ ।
आजदेखि सुरु हुने आइसिसी लिग-२ को त्रिदेशीय सिरिजअन्तर्गत उद्घाटन खेलमा नेपाल र नामिबिया भिँड्न आँटेका हुन् ।
कीर्तिपुरस्थित त्रिवि मैदानमा हुने नेपाल र नामिबियाबीचको खेल बिहान सवा ९ बजे सुरु हुने छ ।
सन् २०२७ को विश्वकपको छनोट प्रतियोगिताको रूपमा रहेको लिग-२ को पहिलो त्रिकोणात्मक सिरिजमा नेपाल, नामिबिया र नेदरल्यान्ड्स रहेका छन् ।
नेपालले तीन वर्षको लिग–२ साइकल बिहीबारदेखि तीन देशीय शृंखलाबाट सुरुवात गर्दै छ ।
नेपालले नेदरल्याण्ड्स र नामिबियासँग घरेलु मैदानमा त्रिदेशीय शृंखलाबाट आइसीसी विश्वकप लिग–२ (२०२३–२०२७) को सुरुवात गर्न लागेको हो ।
नामिबिया यो साइकलको डेब्युटेन्ट टोली हो ।
रोहित पौडेलको कप्तानीमा रहेको नेपाली टिममा आसिफ शेख, कुशल भुर्तेल, कुशल मल्ल, आरिफ शेख, पवन सर्राफ, भीम सार्की, दीपेन्द्रसिंह ऐरी, गुल्सन झा, सोमपाल कामी, करण केसी, ललित राजवंशी, सूर्य तामाङ, देव खनाल र अनिलकुमार साह छन् ।
नेपालका अलराउन्डर दीपेन्द्रसिंह ऐरी सहभागी छैनन् । उनी व्यावसायिक क्रिकेट लिग खेल्न संयुक्त अरब इमिरेट्स (युएई) मा छन् ।
नेपालले फागुन ५ मा नेदरल्यान्ड्ससँग नेपालले खेल्ने छ ।
यस्तै फागुन ९ मा नामिबिया र फागुन १३ मा नेदरल्यान्ड्ससँग खेलेपछि सिरिज सकिने छ ।
